CHiLL-i (已結業)

难得返去旧公司探同事，同事A话开咗间新餐厅想捉我一齐食，当然话好啦！骆驼漆入边真系多好嘢食，今次呢间亦都几唔错！每款菜式都几有特色！呢款唐扬豆腐鱼饼做得外脆内软，鱼饼保持湿润，垫底嘅沙律菜又靓又新鲜，点沙律酱更开胃！见到个蒜蓉·豆豉又有忌廉汁嘅意粉相当好奇，就叫嚟试吓！食落味道出奇地夹㖞～完全冇违和感！可能忌廉汁起咗中和作用，食落有椒丝蒜蓉豆豉香味但又唔会唔会太过over👍🏻。法国野生珠鸡·罗马菜·凯撒酱，见个名咁特别就上网Google 一下，原来「珠鸡体形较小, 脂肪含量亦较低，是比较健康的鸡」！仲要系野生嘅相信更加美味！大厨应该用上唔同香料腌制，入口充斥香料味，鸡肉软嫩又有肉汁，感觉几特别！朱古力咖啡有水准，柚子蜂蜜梳有水果片及薄荷叶装饰，未饮心情都靓晒！呢度装修简约，但上菜摆盘唔马虎，每样都靓靓嘅！值得帮衬！