東記甜甜店 (已結業)

星期日晏昼同朋友喺西贡去完camp，出返西贡中心食甜品，黎左呢度。我地几年前黎过一次，印象几好，所以又食多次。佢地甜品嘅款式真系好多，好多野拣。因为𠮶日真系好热，所以我就叫左个益力多绵绵冰，佢都配几多料，有椰果、小丸子、珍珠同埋爆爆珠，而且好好食，消暑解渴就最啱了🤗另外有个friend叫左绿茶绵绵冰，就有小丸子、珍珠同埋红豆。仲有芋圆配唔同嘅糖水。仲有酥皮类甜品。总括而言，呢度胜在选择多，上次我地就食左榴梿类甜品添。价格方面就适中嘅，始终西贡多游客，唔可能超平，每人平均$50左右。