八章軍 (啟岸) (已結業)

本来系想食烧卖，但系附近冇。打算食间小食，又冇开。听讲启岸巷子嘅八章军都多人叫外卖，见咁耐冇食过章鱼烧，就去试下。间店好细间，去𠮶阵冇其他客人，堂食都有几个位，不过都系打包返屋企舒服啲。店里装修都系日式，如果可以播下音乐会好啲，可能带旺下！太静喇，等餐时都有啲闷等咗10分钟左右啦，冇其他客人都要等，似系即叫即整。个盒几靓㖞，仲印有「龙年大吉」，几有新年节日气氛。8粒，大大粒，都好饱肚。酱汁多，味道恰到好处，甜甜辣辣又唔会太重口味，外脆，馅料丰富。价钱相宜，抵食小食，有机会试埋其他口味。