K-POT 部隊鍋 (已結業)

之前旺角食过一次，但朋友话其实部队锅同人参鸡锅汤底更加正，所以经推荐下再试。外面等位都几细心，有玄米茶提供。内里环境都唔错，播住kpop有气氛，而且干净又唔太迫。汤底有人参鸡，个汤清清地带人参味，感觉健康养生，想健康的打边炉我会推荐呢个。另外部队锅就岩晒想食年糕同公仔面，因为呢d都比较入味。火锅食物款式提供都几多，除了一般火锅食品，仲特别在提供好多有韩国特色，例如有韩式猪皮，韩式猪大肠，韩式年糕，韩式鱼皮，韩式粉丝饺，韩式公仔面，韩式午餐肉，韩式肠仔。我当然有试过晒，觉得都全部都唔错。最喜欢系公仔面配部队锅汤底更加好味！而且我喜欢韩式年糕，煮过后年糕入晒泡菜汤汤底味再加韩式辣辣酱，就非常好。前菜有泡菜，豆芽，萝卜其他韩国食品有牛肉泡菜炒饭，韩式寿司仲有最爱沙律bar, 重点系有沙律菜同芝麻酱or醋! 因为我怕肥腻，食呢个岩晒！酱料我拣柚子醋，酸甜感觉开胃，特别的仲有韩式辣酱。饮品除左一般汽水，仲有果汁&韩式既茶包，有柚子绿茶同花茶，对我唔太饮甜野同要饮热饮同想健康既就必然之选。甜品有乳酪雪糕，有多款朱古力针&豆拣，仲有朱古力酱同士多啤梨酱。但我钟情于纯乳酪味，淡淡地乳酪味感觉健康，岩晒