滾餃

营业中

休息中

滚饺, 铺头名好有趣, 一班朋友玩完揾地方食野, 其中有人介绍呢间, 所以就试下 😊 有好多款唔同饺子拣, 分别有韭菜, 黑松露芝士, 香菇粟米, 京葱, 香茜, 泡菜, 蒜芯鲜虾, 芝士粟米,磨菇烟肉芝士, 三色再拼猪肉, 岩晒啲要新鲜感既人 👍🏻 汤底可以拣猪骨汤同蕃茄薯仔两款。我就唔小心拣左两都都系蕃茄薯仔汤, 而饺子就拣左韭菜猪肉同黑松露芝士两只味, 汤唔算好多, 但饺子每只都涨卜卜 😁 即代表馅料唔系少野, 蕃茄汤好清甜, 韭菜同平时食个啲一样冇得输, 韭菜好香口, 可能煮法问题, 芝士冇拉丝效果之余, 仲有少少杰身, 黑松露味道唔算非常重。 价钱都唔算平, 8只都要四十几, 10只更加要五十起, 虽然味道唔差, 但价钱上未必令我再食第二次。