滾餃

营业中

休息中

朋友帶我去了一間在工廠大廈中的隱世餃子店，沒有想過在6點的時間已經人頭湧湧我們等了一會便有位了，餐廳細細的，但是有不少特式手工餃子選擇，還有辣菜脯伴食，辣辣的，十分惹味 。雙拼煎餃 三色素餃餃子煎得香脆, 但內裡仍然充滿著肉汁，餃子皮軟薄, 素餃入面有木耳，栗米，菜，沒有肉也能十分鮮甜更是多了一份清爽。黑松露芝士豬肉餃豬肉餡的鮮嫩口感和黑松露獨有的香氣，再加上芝士的奶香濃郁口感, 味道融合得很好，一口咬下啖啖肉汁爆出，驚嘆 。雙拼湯餃京蔥豬肉餃湯底選了豬肉湯，清清甜甜，餃子皮厚度適中，京蔥的香氣襯托出豬肉餡的鮮美口感，為整隻餃子增添一種獨特的風味，豬肉亦彈牙有肉味，食落美味又有口感蒜芯鮮蝦豬肉餃蒜芯的清香和鮮蝦的鮮甜完美結合，鮮蝦彈牙，每一口都帶來了濃郁的蒜香和鮮蝦的鮮美蔥油麵大大碗的撈麵, 麵條彈牙有勁，淋上香口惹味的蔥油，香味撲鼻，醬料掛在每一條都條上，鹹鹹的，讓人難忘。手拍青瓜份量很多，青瓜爽脆，清新，配上炸蒜蓉及料油，滋味十足。泰式無骨鳳爪鳳爪的質感爽嫩，比想像中的要辣，但是又帶點酸酸的味道中和了，搭配泰式香料，美味又吸引。豆漿大大支，而且是樽裝，不會太甜，解膩一流 。

位於觀塘駱駝漆大廈第三座嘅❣︎滾餃❣︎日賣過千隻餃子🥟店主由經營網店開始到轉型開實體店，堅持每日以優質新鮮嘅材料包製餃子，我今日一個平日嘅下午茶去食，都眼見人來人往，仲不時有人專登上來買生餃，真係好多熟客👍🏻呢到價錢親民，鍾意食餃子嘅朋友千祈唔好錯過。❣︎煎餃(雙拼)$48 +10隻$16 +米線$8❣︎♡︎蒜芯鮮蝦豬肉♡︎即叫即煎，煎到金黃香脆😋大大隻餡料足👍🏻鮮蝦彈牙，蒜芯爽脆鮮甜，連埋佢跟嘅辣菜脯一齊食更滋味，啲辣菜脯自家製，香辣鹹鮮，大大粒好脆爽。♡︎蘑菇煙肉芝士豬肉餃♡︎呢個配搭好特別，好似cafe早餐配搭😆肉汁豐富但又唔會好膩，呢到嘅煎餃好犀利，入口一啲都唔覺油膩👍🏻❣︎湯餃(雙拼)$44 +10隻$16 +米線$8 +蕃茄湯$3❣︎♡︎韭菜豬肉餃♡︎皮薄超爆餡嘅韭菜😍香氣十足，蕃茄湯底絕冇味精🙅🏻‍♀️飲完唔會口乾。♡︎香菇粟米豬肉餃♡︎超推薦呢個餃🫶🏻香菇嘅香氣加埋超爽口鮮甜嘅粟米豬肉，口感超好😋❣︎涼拌肉鬆皮蛋豆腐❣︎$38而家天熱，食呢個涼拌最適合👍🏻皮蛋甘香軟綿，豆腐大大磚清涼嫩滑，配埋獨特醬汁好滋味。❣︎豆漿❣︎$10 ❣︎紅茶花伝檸檬紅茶❣︎$8飲品樽裝上夠凍。

主打十款不同口味的湯和煎餃，裡面有幾款特別少見，全人手包餃。✨蒜芯鮮蝦豬肉餃 & 香菇粟米豬肉餃（湯餃雙拼）鮮蝦餃用原隻的蝦仁，蒜芯切得剁碎，口感爽脆，整體散發著濃郁的蒜香。 粟米餃的粟米和冬菇味非常突出，粟米甜多汁。 豬骨湯清澈甘甜，喝起來十分清爽，不油膩。 轉咗蕃茄薯仔湯，湯裡有不少蕃茄皮和薯仔，味道甜而不酸。不過湯餃皮偏薄，像雲吞皮一樣，容易泡軟，建議上桌後趁熱吃。✨黑松露芝士豬肉餃 & 蘑菇煙肉芝士豬肉餃（煎餃雙拼）黑松露味恰到好處，不會太濃，仍能保留芝士和豬肉的風味，咬下去時滋汁四溢。 另一款似典型的白汁蘑菇煙肉芝士味，芝士半融，鹹香四溢，各種味道相當平衡。 煎餃的邊緣金黃酥脆，我個人喜歡煎餃，雖然稍微油了一點。

駱駝漆一向都多各形各樣嘅食肆，滾餃就係裡面嘅一間餃子專門店。工廈小店，但款式選擇多。有成十款唔同口味嘅餃子，湯餃煎餃任君選擇，仲有素食友好嘅素餃！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴▶ ∗︎*ﾟ 韮菜湯餃＋蔥油撈麵必試的經典口味～餃子上枱大大粒脹卜卜😍外皮夠薄得嚟完全唔爛，帶有少少咬口，好加分！！！內餡滿滿，調味剛好不過咸，食完好滿足！▶ ∗︎*ﾟ 泡菜餃拼蒜芯鮮蝦餃＋蕃茄薯仔湯泡菜味偏甜，唔酸唔辣。湯底清甜好飲，仲有好多蕃茄肉🍅😙個人最鍾意蒜芯鮮蝦餃，口味特別，蒜芯甜味突出🥰同蝦肉出奇地夾，而且真材實料粒粒都有蝦🦐！！！╴ ╴ ╴ ╴ ╴ ╴ ╴ ╴❀ ╴ ╴ ╴ ╴ ╴ ╴ ╴ ╴滾餃嘅餃子不論外皮定內餡都好出色！係觀塘區的輕食好選擇👍🏻✨

#pb食在觀塘 #pb中式系列 觀塘駱駝漆大大隻餃子🥟今次想介紹觀塘一間餃子店😋 佢位於駱駝漆第三座9樓 店內環境都幾大 有10張枱👍🏻 不過要注意佢平日淨係開到晚上8:30🤪 所有餃子都係每日新鮮製造 全部都大大隻😍 除左觀塘店 佢嘅生餃子亦有係唔同地方寄賣 大家不妨買返屋企試下🥰.佢有10款餃子口味選擇（煎餃 / 湯餃）份量有6隻 / 8隻 / 10隻 價錢$36-$68不等👍🏻 湯底有豬骨湯、蕃茄薯仔湯（另加$3）兩款😋 除左餃子 仲可以再加上海麵、米粉、米線、蔥油撈麵等🤪🔹香菇粟米豬肉餃🍄推介❤️ 同蕃茄薯仔湯底好夾😍 香菇、粟米都好足料 菇味好突出、好香😋🔹香茜豬肉餃🥟推介❤️ 一咬開芫荽味就好爆、好突出😍 反而豬肉份量唔多 食到咁啖啖都係芫荽🤪🔹泡菜豬肉餃🌶️本身覺得泡菜餃應該食煎會比較好 但估唔到湯都有驚喜😍 佢嘅泡菜餃唔會好辣 配埋蕃茄薯仔湯 同樣都係酸酸地 幾夾👍🏻.整體✨ 觀塘有幾間餃子店都好出名 今次試左呢間位於駱駝漆9樓嘅餃子店🤪 餃子有10款口味選擇 隻隻都大大隻 而且價錢幾抵食👍🏻 下次去觀塘諗唔到食咩都會想再食😋滾餃 (觀塘)觀塘開源道60號駱駝漆大廈第三座9樓

嗌咗黑松露餃子，個皮好硬，入邊嘅肉又少，得少少黑松露味。嗌咗上海麵，所謂豬骨湯只係一個好淡嘅粟米湯味道，麥當勞早餐個湯底最好食過佢朋友嗌咗個撈粗 麵質硬過石頭，完全冇煮過咁滯出面仲有15個人排隊 完全浪費時間

駱駝漆大廈附近有多種美食，經友人推介得來一試這間不錯的餃子店。每隻餃子都大大粒，餡料充足，餃皮的厚度恰到好處。這裡的餃子口味多樣，例如蒜芯鮮蝦豬肉和泡菜豬肉餃，在外面並不常見。蒜芯鮮蝦餃內含一隻鮮蝦，口感爽口，絕對是款用心之作。喜歡辣味的我特別喜歡泡菜豬肉餃，內含豐富的泡菜，吃起來有明顯的辣味。而辣菜脯則較平凡。香茜餃口味不錯，但類似的風味其他地方也有，沒有特別驚喜。這次點了湯餃加$3換成番茄湯，但略嫌茄膏味稍重，下次可能會試試豬骨湯。如果喜歡煎炸食物，可以嘗試他們的煎餃，煎得香脆多汁，不會太油膩，特別推薦芝士粟米豬肉餃。▪️ 香茜豬肉餃 $44▫️湯餃6隻|上海麵 +$8 | 蕃茄湯 +$3▪️ 湯餃（8隻雙拼）$52▫️蒜芯鮮蝦豬肉|泡菜豬肉餃|蕃茄湯 +$3▪️ 芝土粟米豬肉餃6隻 $47

好耐之前已經bookmark左觀塘呢間餃子舖，今日做完嘢終於有時間過嚟食。發覺原來佢有個好抵食嘅下午茶餐🤩記得係大概$36-$40 左右。同朋友一人嗌咗一份，下午茶餐包括4粒大餃子+ 湯麵 (好似有烏冬/ 上海麵/ 米線/ 米粉……)仲要有得揀蕃茄湯同豬骨湯😋食咗一啖之後，真係「嘩」話咗一聲，真心好好食😋佢個黑松露芝士餃同埋芝士粟米餃，簡直係驚為天人，好juicy呀！仲要個黑松露一食就知道唔係平價黑松露，平時出面個啲平價黑松露會有好大浸汽油味，呢個一食就知道係好嘢同勁足料🤩💯💯人均消費唔使$50嘅情況下，食到咁嘅質素真係好抵食，仲要好高質💯💯另外，啲侍應都好熱心，見到我哋個冷氣位好凍，即刻安排我哋調位，無論嘢食質素定係服務都非常唔錯，其實大家真係要繼續支持香港小店！#香港美食 #餃子 #觀塘美食 #餃子店 #foodie#FoodieLife #美食日記 #香港必食 #觀塘好東西 #觀塘午餐

第一次嚟食，未到門口已經聞到好香韭菜味，嚟到嘅時間六點多d，已經八成滿，果然人氣爆燈！！坐低之後用QR code落單，店員會問你要唔要菜脯，嗌咗雙拼韭菜同埋蒜芯鮮蝦加多$3轉蕃茄湯。餃子方面，韭菜豬肉餃同菜嘅比例啱啱好食落去真係好好味，至於蒜心鮮蝦係成隻蝦係餃子裏面，食落好新鮮而且非常彈牙仲好大隻添，食得出係誠意之作。另外，蕃茄薯仔湯好有家的味道配埋菜脯更加惹味，果然係幾好食，有機會實返兜😋注意：走嘅時候未夠七點已經人山人海，記得早啲嚟就唔使排隊啦

老實講，以前一直係滾餃既常客，估唔到今次體驗咁差坐低冇耐我同我男朋友已經即刻落單，嗰時係7:02，等咗差唔多10分鐘先嚟第一份湯餃，之後再過多大概5分鐘先嚟第二份煎餃；嗰時佢嚟錯左另外一隻味，所以又再等多左5分鐘先上到份煎餃；其實去到呢度到冇乜野，點知就嚟食完既時候個啊姐就開始喺度發癲，啱啱先放低筷子，準備飲埋碗湯既時候，佢就過嚟收走曬我地檯面d野，跟住連支野飲都未飲完，佢就已經走過嚟同我地講話出面有人等緊叫我地快啲走……由落單到埋單(7:02-7:37)總共35分鐘，等左15分鐘野食，實際食野既時間得20分鐘，自問都唔算霸左個位好耐🙂咁樣趕客發幾好食都唔會再回頭幫襯！

平時好少過嚟觀塘，但嚟親就一定會去駱駝漆食滾餃，因為無得係其他地方買到佢嘅餃子，唯有親自去堂食。每次都必嗌佢嘅蒜芯鮮蝦豬肉餃，係原隻鮮蝦，唔係碎上，好有誠意，蒜芯份量啱啱好，唔會多到搶哂味，但又唔會少到唔夠味，所以次次都係食呢隻味🤭今次雙拼揀埋韮菜豬肉餃，平時唔鍾意食韮菜嘅我，呢度嘅韮菜係我可以接受，韮菜味唔會好重。麵就揀左米粉，正正常常啦。唔知下次幾時再嚟觀塘，唯有叫多打生蒜芯鮮蝦餃返屋企慢慢食🤣

平時準時12：05到,已經9成滿座.好誇張.點左份雙拼十隻,京蔥豬肉拼,蒜蕊蝦,加陽春麵.等左10分鐘就上,豬骨湯好清甜,同出面既味好唔同,又濃但唔油,有厚度,好有蘿蔔同其他蔬菜既清甜.好好味上海麵就幼麵蒜蕊蝦-每一隻都有一隻蝦,唔係蝦碎.整個配搭好夾京蔥豬肉-唔知點解,個皮比較削,好似浸左好耐,但蒜蕊蝦食到最後都無呢個情況.記憶點亦都無蒜蕊蝦咁高最有驚喜,菜脯.味道唔似出面咁咸,但味道比較豐富總結,各方面都唔錯,如果我係附近返工,係會成日返會食

大概6點3上到去,唔使等位,但已座無虛席。地方淺窄，有啲逼夾。因為我買咗一大袋野，所以我褪後張凳大概佔咗半條走廊，準備把袋嘢塞入枱底嘅時候，即刻畀阿姐喝住話：你唔好咁樣坐！塞住條走廊㗎！使唔使咁大反應呀？應該係人都知道我唔會咁樣坐啦，距離張枱成兩尺遠，我點申個頭埋張枱度食嘢呀？禮貌欠奉，態度認真麻麻！叫咗兩碗麵，其中一個係煎餃子，但啲餃子唔係煎嘅，係炸！炸到好硬，其實幾難食。餃子冇乜特別，另外一碗係淥餃子，都係正常嘅，冇乜特別。又叫咗皮蛋，都係好一般嘅嘢，老實講，譚仔好食過佢。千祈唔好叫佢嗰啲豆漿飲，淡到好似水咁！真係有被搵笨嘅感覺！見到嗰兩個阿姐不停監視啲食客，一見佢食完，幾乎筷子都未放低，就收走曬啲碗碟。收咗啲碗碟之後又繼續監視你！問你啲嘢齊曬未呀咁(淨係想你走咁)。有一枱更加直接叫佢哋埋單！可能過咗40分鐘掛……知你出面有人等位，但都唔需要咁嘅態度趕人，人哋真係有權坐足你限時的40分鐘㗎！總括而言，如果大家係有被監視嘅辟好，就可以去幫襯下，不過我就唔會再去了！食物又唔係有咩咁特別，都係好一般嘅嘢，無謂貼錢買難受！

叫坐煎餃同埋湯餃，兩種都好好味😋最推薦蒜芯鮮蝦煎餃同埋玉米鮮肉湯餃🥟煎饺金黃酥脆,咬落入面软滑多汁,一啖就化咗你口邊,好好滋味湯饺就更惹味了,皮薄內嫩,一啖湯汁就濕了你口水,入邊又有爆滿的肉碎,真係幾乎要食唔完咁好味!咁啱同啲小菜配埋呀!實在太正喇,真係食得太多,連個肚都撐啦

之前搵觀塘有咩食，都見有唔少人推薦呢間餃子，作為第一次食嘅顧客，我係絕對係唔會返嚟食第二次。先講餃子，以香港咁多好味餃子嚟講，佢嘅質素都算非常一般。首先皮好厚，完全唔係「皮薄餡靚」嘅感覺，食到一半有幾粒已經係浸到脹晒一patpat咁，口感唔太好。其次店員態度非常惡劣。上菜時我禮貌地請店員俾一杯水我，唔知該店員係甩手定有咩問題，放水杯上枱嗰陣係砰一聲，我同朋友對望咗一下，都覺得有啲奇怪，不過都冇特別理會，心諗可能係甩手/唔小心而已。食野期間，店員不斷行埋嚟收嘢，望住朋友食最後一粒餃子，令顧客感覺不良好。當我地剛剛食完之後，店員極度不友善及不禮貌咁講：「其實我地後面仲有兩張枱等緊。」咁我同朋友都即刻起身馬上埋單。我後來睇返時間，由上菜到結帳，我地食咗不足30分鐘。我都明白餐廳想翻桌快d，如果你哋禮貌地向客人示意，我諗好多客人都會明白。但絕對唔係依家呢個態度，唔講我仲以為我地食咗一個鐘頭添，原來只係食咗30分鐘。如果呢間餐廳，係要求客人「食完要即刻馬上走/30分鐘內食完，否則會被店員不禮貌對待。」下次可以寫係餐廳外，我諗好多人都會選擇唔食😃