Dodam Chicken (利舞臺廣場)

营业中

休息中

餐厅由韩国人打理，专门食焗烤鸡及炸鸡，亦有多款韩国藻菜及新推出甜品。环境宽落，而且服务唔错。大约晚市7点半到，已经坐满哂人，所以想食就最好book定位。叫左原味焗烤鸡($178)，烤芝士猪肋骨($208)，柚子yogurt smoothie($58)。原味焗烤鸡色泽光令，大约有10几件，每件既外皮烤到好脆，多汁，而且肉质嫩滑，一d都唔干。加上以焗烤方式烹煮，所以唔热气。即使系原味，但系有特别腌过。加埋酸萝卜一齐食，亦可以加蜜糖芥末酱，酸甜辣酱，非常惹味。烤芝士猪肋骨有7件猪肋骨，配上热溶芝士，趁热既时候，就要搅拌，令每件猪肋骨都有芝士包围住。唔识卷既话，侍应会帮你及教你，好好服务。芝士拉丝，而且份量刚刚好，食完唔腻。加埋沙律菜做伴碟，仲有d芝士片及芝士粉，3种唔同款既芝士，一流。有得食，有得玩下，自己动手卷。饮品选择亦多，有酒精有非酒精。尼杯柚子yogurt smoothie望落好似好普通，但其实有大量柚子，饮前搅一搅，既有香浓柚子味，亦有dd好碎既冰，好fresh。整体，即使原味烤鸡都有香浓既味道，而且环境大坐得舒服，背景音乐唔会过大，所以倾计唔驶特登要大声讲。