東園酒家宴會廳 (已結業)

今晚和老公逛湾仔电脑城，行完之后，望到有个好大的招牌，东园酒家宴会厅，之前系大有商场都食过，所以便会老公去食。由于今个星期，几日都食火锅、烧肉，所以今晚一于响应多菜少肉，睇到有张每日精选，鲜淮山鱼腐银杏煮娃娃菜($78)，瑶柱扒豆苗($128)，鸳鸯肠炒芥兰($82)，蜜汁叉烧皇($118)。瑶柱扒豆苗，豆苗好嫩，完全没有渣，蚝油茨汁唔会太醎，瑶柱亦算多。鸳鸯肠炒芥兰，腊肠比较瘦，润肠酒味比较浓，芥兰炒得好脆。蜜汁叉烧皇，选用梅头肉烧烤而成，所以脂肪唔会太肥，又唔会太瘦，亦唔会靱，仲几淋身，加上蜜糖的香味，就配得上叉烧皇。鲜淮山鱼腐银杏煮娃娃菜，淮山系健脾胃的，鱼腐软滑，再加上高汤，令到成个菜肴都好舒服。饭后甜点有红豆沙和绿豆沙，两款都唔会太甜，为是晚晩餐画上完美句号。