南記粉麵

营业中

休息中

乐富呢间南记系11月新开，今日试吓早餐！$32，有生菜鱼皮饺汤+一碗自选单𩠌米线。我拣咗招牌春卷。配冻饮加$3，埋单$35。先赞一赞速度，系劲快，唔驶三分钟已出餐。生菜劲多，比好多港式早餐健康好多——仲未计港式通常系配好热气嘅多士、好高盐嘅餐/肠/腿，同埋好油腻嘅公仔面。招牌春卷名不虚传，好香嘅外皮（挺身、唔脆、但又唔系软淋淋）。米线软硬啱啱好。鱼皮饺亦是水准之内。唯一可扣少少分系冻饮嗌咗少冰都仲系颇多冰块，但整体已完胜附近几家嘅早餐了。