民華餐廳 (已結業)

是日系自租office后首次出外「见客」，有生意就边度都去！而开工前就医医肚先！茶餐厅竞争好激烈， 要迎合我呢种好多工作做，事事要求快靓正的香港人，最紧要系要够快但水准又要有。近年有个现象，好多茶餐厅主力推销有炒蛋多士加粉面的常餐，一般一个餐近四十蚊，已经好普遍。咁究竟点解民华餐厅嘅常餐可以咁得我欢心呢？我再三确定多次之后（之前帮衬开另一间分店），我可以好肯定咁讲，因为佢嘅质素好！我拣民华最主要是被个常餐餐牌吸引，因为粉面选择都颇多元化。除了茄牛 沙爹牛、雪菜肉丝、榨菜肉丝、叉烧、火腿，仲有姜丝牛肉。 鸡蛋同多士嘅做法都有好多款式，太阳蛋、炒蛋、熟蛋，任君选择。今日天气热热地，点了雪菜肉丝米跟炒蛋火腿。个多士面好脆，入面就软棉棉，成块都好厚身；牛油分量搽得刚好，唔多又唔少，非常适中，真系好正！炒蛋好滑，蛋味香浓。雪菜肉丝铺满米粉面，分量好多，肉丝没有我不喜欢的「猪膻味」，味道够浓郁。整体保持一惯水准，真心不错，饱肚又满足。