Neko Puff

营业中

休息中

今日正值男小编的生日(・ω・)ノ最啱介绍一间蛋糕小店！拿破仑除咗杂果、芒果、士多啤梨味之外，呢一间小店研发出与众不同，而且令人心大心细嘅2️⃣0️⃣款口味！拿破仑最紧要够脆，依一间小店拿破仑嘅层次唔算好多，但系每一层都做到好厚身既酥酥感(⁎⁍̴̛ᴗ⁍̴̛⁎)小编今次拣咗荔枝香槟果冻芒果拿破仑俾老公作为佢第一个生日蛋糕！先讲佢嘅外型，每一个忌廉吱花都好均等，面头亦都用咗干花嘅花粉配合埋荔枝香槟味道嘅啫喱，感觉相对清新！而拿破仑嘅每一层，都依旧有啫喱嘅点缀，感觉唔会过分单调。而且搭配嘅生日牌更加可以自己亲手写上祝福嘅字句添，送俾人就更见心思啦！