花漾

营业中

休息中

呢日放工約咗朋友食飯，佢話想試吓呢間，我之前食過幾好食，所以即刻話ok! 餐廳乾淨光猛，裝修都幾靚，仲有可愛嘅賀年裝飾。餐廳有「二人餐 $298/$338」 ，但朋友唔食蝦同芒果，亦唔食炸野，所以今次唔嗌餐，嗌咗大家都食嘅魚同咖喱。《 鹽焗原條野生鱸魚 $198 》 即製需時大約30分鐘。所以我地食住咖喱牛腩煲先，邊食、邊傾、邊等！最後魚熱辣辣送上，揭開魚皮有嫩滑多汁嘅爐魚肉，用鹽及香料焗出啖啖嘅鮮味，再加上鮮青檸汁，鮮味更出眾！《 咖喱牛腩煲 配 蒜茸法包 $148 》 牛腩有驚喜，好腍又掛滿濃濃嘅咖喱，加上香脆嘅蒜茸法包好惹味，仲想嗌多碗飯蘸埋啲汁添！