和氣食堂 (河畔花園)

营业中

休息中

今日去左沙田围河畔附近探朋友， 顺便食埋饭， 呢度附近开左好多唔同餐厅， 有台湾 越南 泰国 西餐 鸡煲， 乜都有。今日就试呢间日本野， 门口有Food Gulu app可以拎定飞，不过我地早，6:30去到，唔洗点等位。入到去都坐满左大半， 本menu 好厚， 好多选择， 有沙律，有丼饭， 有寿司， 有刺身，有串烧。呢个茄子好特别， 加左面豉去烧， 好香， 本身茄子冇乜味， 所以好吸味， 好香口， 可以食几旧。个沙律叫冲绳风， 上面加左啲海葡萄， 第一次试海葡萄，冇乜味， 好似海带咁， 配埋啲生菜， 感觉好新奇。呢个天妇罗盛合， 份量都几多， 3只虾 再加几旧蔬菜， 有南瓜， 有茄子等等， 炸得几好， 够香口。个黑豚饭几好味，啲汁好浓， 啲肉吸晒， 啲肉够淋， 配饭好好。 好开胃。 仲有啲配菜泡菜跟埋。芝士玉子烧够厚， 入口啖啖肉， 唔会太甜。 偏实。唔会散。三文鱼5味， 一款系正常乜都冇加，一款加左牛油果， 一款加左海胆， 一款加左咖哩盐再烧，一款加左芝士再烧。 全部都好特别， 有新意。