明新鐵板咖哩皇

营业中

休息中

空肚抽完血之后晕晕地，老远行过嚟大元邨食早。之前多数你都系食下午茶，未试过早餐就过嚟试吓个沙嗲牛肉面。落单嘅时候同姐姐讲要鸡扒米粉加沙嗲牛肉，姐姐话咁样嗌唔知会唔会浸冧咗块鸡扒佢就帮我沙嗲牛肉加鸡扒。嚟到嘅时候鸡扒又真系分上。第一眼见到东边几好，但系就冻咗啲。个沙嗲牛肉啲汁都几好味有落蒜头落去都几香，但系肉嘅份量就比较少，啲米粉黎嘅时候好似好多汤，但系米粉索水，食时就啱啱好。个鸡扒都够厚身，但系就冇底味，隐约食到少少七味粉嘅味道，但系就比较干身。虽然附近几间餐厅早餐都差唔多价钱。但就系呢度多配搭，就忍唔住拣咗佢，食饱饱饮埋杯冻斋啡成个人精神晒～Fighting!