DKLM Bar & Restaurant (已結業)

早排同朋友聚会，佢提议嚟到呢间酒吧贪可以坐得耐啲倾下计。我地坐左系窗边嘅二人高枱，旁边就系落地大玻璃望街景，感觉都几开扬，而且好在呢度虽然系酒吧但又唔会好嘈，系可以倾计嘅好地方。一坐底首先送上小食，呢杯薯片份量都唔少，而且片片厚切，送酒一流！我请店员推介左款相对易入口嘅白酒，果然唔会太呛喉，味道比较清，送油腻嘅肉类特别衬。朋友唔饮酒精，所以叫左呢杯叫Mango paradise嘅mocktail，卖相吸引，饮落更加有新鲜芒果够晒香甜。呢度虽则系酒吧，但食物选择都几多，我地散叫了几道小食同主菜。徳国香肠拼盘呢盘香肠拼盘有三款唔同嘅香肠，煎得香而不腻。香煎雪鱼柳 拼橘子沙律沙律配上橘子肉粒份外清新，雪鱼煎得表皮香脆，肉质就保持到嫩而唔会觉得干。盐烧蒜香和风牛肉牛肉选材唔错，食到香浓牛肉味，烧起嚟仍能够锁住肉汁。