堅信號上海生煎皇 (新都城中心二期) (已結業)

今日补完习之后已经7:00，行过天桥便见到一条人龙。原来系坚信号生煎皇，好多人排队喺度等拎外卖， 堂食有位于是我就入咗去坐。今晚一于嚟过夜上海，食下门口张贴左出嚟嘅招牌菜:生煎包同小笼包。唔好以为系包好简单，呢啲真系功夫心机菜，好多方面都可以成就一个小笼包嘅味道，包括外皮、馅料、同汤汁。生煎包，外皮厚薄适中，而且佢嘅折都包得好工整，卖相靓而且底部能够煎成金黄色。生煎包就当然有分香脆嘅口感，外皮能够承拓入边嘅汤汁，而且馅料利用新鲜猪肉制成，有咬口，有充足嘅汤汁，真系可以用匙羹盛起。灌汤小笼包外皮好薄，隐隐约约可以见到小笼包入边嘅汤汁，做到皮薄又唔易烂。肉馅口感有层次之余，亦都带一啲油脂嘅香。我个人钟意点少少醋同一啲姜丝一齐食，可以加添肉嘅鲜味。鸡丝粉皮一个简单美味嘅凉菜，鸡肉丝加埋青瓜丝再混上麻酱，撤上一啲黑白芝麻，粉皮Q弹带劲。孜然鸡中翼外酥内软，入面可以保持有肉汁。麻辣云耳百叶丝估唔到佢新出嘅麻辣产品都做得好好，调味大麻带辣又香，云尔同埋豆皮丝都可以吸收到麻辣汁嘅精华。桂圆红枣茶养生自选，女士恩物。细细的餐厅但系食品选择有好多，日日黎食都可以