鄭記潮州食家 (已結業)

十点几先食晚饭，谂起打冷都唔错㖞，嚟到刚好唔驶等位！！卤水鹅肠拼猪耳朵 － 猪耳朵卤水味香浓，鹅肠爽脆又唔肥，垫底芽菜亦非常爽口。斩鹅 － 通常都比较喜欢叫斩鹅多过鹅片，因为鹅片系胸切片，所以会比较干身。斩鹅卤水味浓，肉实扎实嫩滑，有肉汁，唔会太鞋口。牛腩面 － 牛腩味道不错，如果可以再腍身D会更好，面条弹牙爽口。蚝仔肉碎粥 － 一攞埋嚟就飘来阵阵麻油芫茜香味，蚝肉都算肥美，粥底几香甜，好食系几好依，不过食食吓有D蚝壳碎，而且食完后要劲饮水，可能唔多唔少有D味精调吓味！