2派克雞排

营业中

休息中

出完街返屋企肚饿见到呢间2派克鸡排店未闩门就嗌咗3样嘢医肚。调味方面除咗最传统嘅椒盐、海苔味同辣味之外仲有芝士、梅子、麻辣、芥末同咖哩，味度多元化啲冇咁闷，而且每样嘢食都可以拣两只调味有多啲选择脆皮无骨鸡腿排 原味（椒盐）鸡排好大块，成个手掌咁大用咗鸡髀位，外皮香脆肉嫩厚身多汁唔会干，而且冇骨，啖啖肉好满足拣咗原味（椒盐），调味唔会好重手，咸度啱啱好脆皮花枝丸 原味（椒盐+海苔）花枝丸大大粒，应该有坊间嘅1.5倍，炸到金黄脆身咬落去好弹牙都几多原粒花枝肉，食得出用料新鲜脆皮杏鲍菇 麻辣（小辣）满满嘅一袋，切到大大旧，嗌咗麻辣令到嘴唇有啲麻麻哋嘅感觉，好香口惹味食杏鲍菇嘅时候一定要小心，热辣辣做到外脆内爆汁，唔小心就会辣亲。