點心到 (廟街)

营业中

休息中

呢拆天气热到冇咩胃口，食点心都系一个唔错嘅选择，一盅两件啱啱好。位于佐敦嘅点心到，装修简约，坐得舒服，冇传统酒楼果种压迫感。沙姜汁烩鲜淮山$22我好钟意食淮山，但就未试过呢种做法。淮山爽口，有淡淡的沙姜汁，又唔觉得好咸，仲有少量云耳和西芹。鹌鹑蛋烧卖呢啲传统点心唔系度度都有得食，烧卖皮薄馅靓，鹌鹑蛋细细只连烧卖一齐食，好惹味，小朋友都好钟意食。烧汁酿茄子$23茄子圆润饱满，上面仲酿左鱼肉，鱼肉弹牙，沾上甜嘅烧汁鼓油，好好味。笼仔凤爪排骨饭$34次次嚟呢间饮茶，都一定会叫笼仔蒸饭，蒸饭以荷叶垫底，凤爪和排骨都入味，饭底够亁身，而且份量不少，3个人都够食。