影片
更多
2024-05-03
27 浏览
铜锣湾性价比铁板烧✨咁啱去开铜锣湾行街，同朋友想揾个地方食吓嘢吹吓水，于是嚟咗呢间之前有朋友推介嘅餐厅，系性价比好高嘅铁板烧。▶️猪茜卷 $88豚肉片包住炸蒜、葱、芫荽，芫荽爱好者一定要叫！非常Juicy，芫荽、葱、炸蒜加埋一齐嘅味道都好有惊喜😆！▶️厚烧牛舌 $128厚切牛舌，铁板烧完之后外表香脆，对面锁住肉汁，有浓郁嘅牛肉香，份量都好足够。▶️松叶蟹海胆炒饭 $158大大碟炒饭，唔惊唔够饱。有满满嘅松叶蟹肉&海胆碎，炒饭粒粒分明，好食。▶️烧白鳝 $168难得有得食烧白鳝，即刻嗌咗一份！烧得非常之好！白鳝本身多骨，但呢个食落唔会好多骨，啖啖肉。▶️朱古力炸弹 $38甜品叫咗呢一个朱古力炸弹，好似心太软咁，一咬开有满满嘅朱古力酱，糯米烟靭弹牙。▶️日本生啤 $48同朋友啤啤佢，开心相聚！我哋呢次坐咗吧枱，可以睇住师傅煮嘢食，侍应态度友善，环境都唔差，同朋友倾偈倾得好开心，系一次满意嘅用餐体验。
咁啱去开铜锣湾行街，同朋友想揾个地方食吓嘢吹吓水，于是嚟咗呢间之前有朋友推介嘅餐厅，系性价比好高嘅铁板烧。
▶️猪茜卷 $88
豚肉片包住炸蒜、葱、芫荽，芫荽爱好者一定要叫！非常Juicy，芫荽、葱、炸蒜加埋一齐嘅味道都好有惊喜😆！
▶️厚烧牛舌 $128
厚切牛舌，铁板烧完之后外表香脆，对面锁住肉汁，有浓郁嘅牛肉香，份量都好足够。
▶️松叶蟹海胆炒饭 $158
大大碟炒饭，唔惊唔够饱。有满满嘅松叶蟹肉&海胆碎，炒饭粒粒分明，好食。
▶️烧白鳝 $168
难得有得食烧白鳝，即刻嗌咗一份！烧得非常之好！白鳝本身多骨，但呢个食落唔会好多骨，啖啖肉。
▶️朱古力炸弹 $38
甜品叫咗呢一个朱古力炸弹，好似心太软咁，一咬开有满满嘅朱古力酱，糯米烟靭弹牙。
▶️日本生啤 $48
同朋友啤啤佢，开心相聚！
我哋呢次坐咗吧枱，可以睇住师傅煮嘢食，侍应态度友善，环境都唔差，同朋友倾偈倾得好开心，系一次满意嘅用餐体验。
张贴
