大丈夫食堂 (已搬遷) 新店位置

听讲依间小店大排长龙，所以谂住9点去食就唔洗点排，去到见等3张台应该几个字入得啦，最后都等左9个字。因为得廿几个位但又冇限时，所以有d人食完坐系度hea下倾下计，翻台就慢d，想食要有心理准备喇。定食多数都一百蚊楼下，有渍物、茶碗蒸、面豉汤仲有白饭同椰菜丝无限任添，非常抵食。吉列猪扒同南蛮炸鸡都系外脆内软，仲有肉汁，以依个价钱黎讲系非常正呀！白饭系珍珠米，软硬适中。椰菜丝清甜爽脆，配埋d沙津汁好解腻。