影片
更多
2016-06-01
1294 浏览
年几前已帮衬呢度，通常都是周五周六晚先嚟，星期二食都是第一次！没周末咁旺，9:30pm到，闲日，位都唔洗等。我地两个人叫咗12样嘢，分别是10点前正价和10点后宵夜价。注意返大部分order都是最少叫两串的。是次order包括免治鸡肉：唔弹牙，无鸡味，鞋口鸡翼：啲肉好干牛舌：经典，话无渣就呃你嘅，不过胜在佢味道够浓，有咬口，唔会入口一啖油本菇牛肉：好香姑味，但牛雪到干晒，入口干到散开鸡软骨：我自己觉得干咗少少，可能有朋友会喜欢佢脆身烧秋葵：好味，惹味，追加咗一次！但我食到有一条有苦味，算啦烧山药：即系淮山，够爽脆，但有阵咩味？泥味？系咪正常架？ 同酒楼果种鲜味有啲唔一样既？银杏：如果湿润啲会追加的！有甜有苦。露笋猪肉卷：ok 啦，不过啲笋头尾有啲干，好似比雪柜抽干咗水咁，猪油同笋两样撞埋系香嘅…鸡肉莲藕：一啲都唔好味，鸡似猪味，莲藕唔新鲜烟肉蕃茄：哗！惊喜㖞！估佢唔到！记得以前有位朋友嚟亲，都一定要叫呢个，话用料虽然简单但很美味㖞，叫到无嘢好叫就试下！ 呵！猪油烧香咗有芝士既香气，加咗啲香草仲有啲pizza薯片既香味可以讲系几滋味。最后是海虾，一上枱真是有好大阵香气，不过肉身太干，近头
我地两个人叫咗12样嘢，分别是10点前正价和10点后宵夜价。注意返大部分order都是最少叫两串的。
是次order包括
免治鸡肉：唔弹牙，无鸡味，鞋口
鸡翼：啲肉好干
牛舌：经典，话无渣就呃你嘅，不过胜在佢味道够浓，有咬口，唔会入口一啖油
本菇牛肉：好香姑味，但牛雪到干晒，入口干到散开
鸡软骨：我自己觉得干咗少少，可能有朋友会喜欢佢脆身
烧秋葵：好味，惹味，追加咗一次！但我食到有一条有苦味，算啦
烧山药：即系淮山，够爽脆，但有阵咩味？泥味？系咪正常架？ 同酒楼果种鲜味有啲唔一样既？
银杏：如果湿润啲会追加的！有甜有苦。
露笋猪肉卷：ok 啦，不过啲笋头尾有啲干，好似比雪柜抽干咗水咁，猪油同笋两样撞埋系香嘅…
鸡肉莲藕：一啲都唔好味，鸡似猪味，莲藕唔新鲜
烟肉蕃茄：哗！惊喜㖞！估佢唔到！记得以前有位朋友嚟亲，都一定要叫呢个，话用料虽然简单但很美味㖞，叫到无嘢好叫就试下！ 呵！猪油烧香咗有芝士既香气，加咗啲香草仲有啲pizza薯片既香味可以讲系几滋味。
最后是海虾，一上枱真是有好大阵香气，不过肉身太干，近头果啖有少少梅咗。
喜欢有水份的，就选择蔬菜类吧！
最新鲜的仍然是收费的冷蔬菜小碟，加埋佢个汁真是好滋味，可能流转量大的关系，佢可算是全店最新鲜的材料。试过喺屋企系整唔返既。今次嚟食，大部分食材都太干燥，唔系烧到干果种，系雪到抽干晒水。
最后提醒各位，记住！记住！记住要check 单！ 由其系特价前后，几串几串咁，落差可以好大（差唔多＄200上落）！今晚埋单时张单计咗3次先啱，人手落单，唔同人serve，总会有错，平心静气…记住唔好影响心情！
张贴