Ideas Dessert (已結業)

今晚收工十点几时间不早，但听日放假，收工又想食啲野。所以就揾埋个friend出嚟，夜晚揾甜品食。因为深夜时间，选择就唔算多，但今日30几度，绝对系想揾啲冻冰冰嘅甜品食。上网揾到有间系大窝口comment 不错嘅,朋友都话食过唔错，所以我今晚就试下Ideas Dessert！虽然假期前夕，都唔知点解今晚都唔算太多人。因为啱啱收工所以都叫咗少少零食同埋当然唔少得食冻冰冰嘅甜品啦。零食方面今晚就叫咗椒盐鱿鱼酥同埋炸烧卖。虽然呢间舖头主打甜品为主, 但系小食都新鲜制作, 椒盐味道浓郁。夜麻麻收工想食少少咸嘢都系一个唔错嘅选择 。另外甜品方面叫咗士多啤梨雪冰，同埋紫薯仙草芋圆冰仙草芋圆冰。两样嘢都系新鲜制作，士多啤梨雪冰淡淡清新士多啤梨味，唔会话太甜。唔想食太甜嘅大家绝对可以试吓。至于紫薯仙草芋圆冰，材料十足，而且紫薯有淡淡香味。配上冻冰冰嘅仙草同埋冰。30几度食呢个甜品绝对系一流嘅选择。大家嚟到大窝口又想揾甜品又想支持下，绝对推介！