影片
更多
2016-12-03
342 浏览
今日下午茶试下依间咁多人排队嘅好包「本人是包王(中学被封)，因为每次饮茶人地叫虾饺烧卖，我就叫叉烧包、奶黄包、大包.......我真系无包不欢！」去到嘅时候大概三点左右，已经有好多巴打丝打等紧，落左单大概排15份左右啦。我叫左个1号香蒜椒盐无骨鸡翼包加绿茶菊花蜜。大概等左十五分钟左右就有得食，我住得都算近拎到返屋企先食。一打开个包，当然系电话食先啦！阵阵香蒜味系个纸袋度扑出黎。打开有一只半鸡翼(三只细鸡翼)、生菜、青瓜、美乃兹(唔甜日本沙津酱)。讲返个包嘅质感好软熟，算系中上意大利软包。鸡翼比预期中有少少失望，因为香蒜较重、食落去只系觉得好似食紧有皮嘅肉，无咩鸡肉味，但庆幸都无雪味。整体上，包同鸡翼依个配搭真系好新鲜，同埋建议即场食，因为系即叫即做，过左一阵，个鸡翼嘅热力会影响配菜变淋。另外，我个人觉得配日式美乃兹真系有点多左，因为本身香蒜已经够浓味，再加埋美乃兹，令到成个包咸味太重，就算有青瓜同生菜都解唔到。绿茶菊花蜜偏甜少少，盖过左绿茶味。少少见意，依个包想再醒胃些少，唔用美乃兹，改用黑醋涂系包再夹材料。食落无咁腻！又或者加多一片生菜或蕃茄，食落更清爽！如果单纯想个包唔太干而加酱，
「本人是包王(中学被封)，因为每次饮茶人地叫虾饺烧卖，我就叫叉烧包、奶黄包、大包.......我真系无包不欢！」
去到嘅时候大概三点左右，已经有好多巴打丝打等紧，落左单大概排15份左右啦。我叫左个1号香蒜椒盐无骨鸡翼包加绿茶菊花蜜。大概等左十五分钟左右就有得食，我住得都算近拎到返屋企先食。
一打开个包，当然系电话食先啦！阵阵香蒜味系个纸袋度扑出黎。打开有一只半鸡翼(三只细鸡翼)、生菜、青瓜、美乃兹(唔甜日本沙津酱)。
讲返个包嘅质感好软熟，算系中上意大利软包。
鸡翼比预期中有少少失望，因为香蒜较重、食落去只系觉得好似食紧有皮嘅肉，无咩鸡肉味，但庆幸都无雪味。
整体上，包同鸡翼依个配搭真系好新鲜，同埋建议即场食，因为系即叫即做，过左一阵，个鸡翼嘅热力会影响配菜变淋。另外，我个人觉得配日式美乃兹真系有点多左，因为本身香蒜已经够浓味，再加埋美乃兹，令到成个包咸味太重，就算有青瓜同生菜都解唔到。绿茶菊花蜜偏甜少少，盖过左绿茶味。
少少见意，依个包想再醒胃些少，唔用美乃兹，改用黑醋涂系包再夹材料。食落无咁腻！又或者加多一片生菜或蕃茄，食落更清爽！如果单纯想个包唔太干而加酱，可以改用泰式鸡酱，效果fusion 得黎又够搭。
因为本身个包做得好，会再支持，期待下次试慢煮猪腩肉包再同大家分享！
张贴
