地道館車仔麵

营业中

休息中

今日落新蒲岗做嘢，同老婆去咗帮衬呢间车仔面店。以前都系新蒲岗附近返过一排工，呢间车仔面店都系我lunch经常去嘅饭堂之一。好，唔讲咁多，即刻睇睇有咩食。第一碗系粗面，冬菇牛腩猪肚。呢间嘅冬菇系特别入味，质感唔错。牛腩腍滑，口感极佳。猪肚都好入味，预先捞咗麻辣味，正！第二碗系猪膶鸡翼虾条油面。猪膶厚身嫩滑，睇图就知有几大块！鸡翼整得好入味，可惜得两只，唔够喉！虾条系自家制，必定要试！最后加咗碟油菜，腩汁生菜！