龍袍

营业中

休息中

老妈子生日，谂住带佢去食啲好嘢，听朋友话呢间唔错，就谂住嚟试下睇下点。装修都几唔错，够大方得体。咁啲前菜都ok啦，正正常常开下胃咁款。跟住就系个鱼翅喇，唔系讲笑，真系好足料，好浓嘅鸡汤味入晒落啲翅度。个套餐仲有鸡尾酒，系有少少重嘅，但对于我呢啲新手嚟讲，用嚟送海鲜都ok。跟住系个鲍鱼，虽然我系个孝顺仔，畀咗半只鲍鱼比老妈子食，但真系有啲后悔自己冇食到。个鲍鱼汁好ok，系𠮶种唔系好涩，又唔会水汪汪咁，同埋煮得好入味，弹牙得嚟亦都好扎实，龙袍处理海鲜真系有返咁上下。最后都有啲菜呀，清清哋，妈子钟意食得健康啲，我又得姐。价钱系少贵嘅，但我食齐鲍参翅，又够高水准，我觉得呢个价位已经物超所值啦。