爆汗串串 (已結業)

之前北上深圳吃喝玩乐时见到商场有啲人围埋一齐，一串串咁样食小食，觉得好得意。知道香港终于都有正宗嘅四川食店「爆汗串串」，一定要试下啦。店铺嘅装修真系好潮好型格，座位虽少但干净企理。我地叫咗个麻辣串串放题，黄金时段都只系$168加一，包埋小食任食，算系几抵食。试一试个汤底，麻、香、辣十足！店员话汤底嘅香料由成都运来，有香叶、草果、桂皮、丁香、红花椒、印度椒、八角等十二种配料炮制。经热油炒香，再加入猪骨、鸡骨、清汤熬制，另外再加成都秘制辣椒油。除非特别指明，否则都系中辣。我当然拣中辣啦，咁先食到正宗味道。我地叫咗三轮，第一轮只需要剔，店员就会根据人数每种小食各二。我地总共食咗牛肉、牛根丸、千层肚、鸡软骨、鱿鱼、火腿金菇、鸡柳、鸡肉肠、花枝丸、鱼皮饺、娃娃菜、豆卜，由肉类都蔬菜都有，配上麻辣汤底真系好入味！一路爆汗一路大叫好正！我地仲食咗爆汗牛肉面、蒜泥青瓜、棒棒鸡同钟水饺！我地仲加咗$30，啤酒汽水任饮。我见到有最爱嘅韩国啤酒就双眼发光，饮返几罐都已经翻本。仲有冻豆浆，都几解辣。食物质素几好之外，服务员都好热心介绍，睇得出小店用心经营。以后同朋友食饭，又多一个好嘅选择，绝对会encore!