影片
更多
2011-05-26
50 浏览
趁同事生日，乘机试新蛋糕，见美心出咗只Opera （法国千层），有迷你版，卖$88，我哋得4个人就啱晒啦，其实见佢出咗段时间，睇样几得，都好想试架啦，依次自不然把握机会啦。虽然同正宗嘅Opera无论形状、层次都好似，但当然唔一样啦，唔知系咪咁，佢中文名叫「法国千层」，唔用惯常嘅「法式剧院蛋糕」，不过名字嘅嘢都无乜所谓，最紧要系食到一件用心制作嘅靓饼。从网上睇番，Opera源于法国，四四方方嘅形状代表歌剧院嘅舞台，多层次嘅味道代表跳跃嘅音符。小弟𠮶时晌工联会所学嘅做法（唔知正唔正宗），系用浸有咖啡糖水嘅杏仁海棉蛋糕，配以一层咖啡牛油忌廉（其实系打起嘅牛油加糖霜同咖啡水而成），再一层软心朱古力浆（黑朱古力沟淡忌廉），一层叠一层，最面淋上镜面朱古力，再用刀修番正四边，咁个蛋糕就可以见人喇！好老实，Opera好考手工，整嘅过程都几烦，小弟试过自己整，失败告终，自始无再搞过，都系买番嚟食好啲！依次试美心嘅法国千层，虽然系变奏版，真系得㖞，朱古力脆脆做饼底，海棉蛋糕浸有咖啡糖水，弃用牛油忌廉，改配朱古力慕丝同咖啡忌廉，感觉轻怡好多，因为牛油忌廉真系肥得好紧要。照样唔同馅料层层叠叠，质感同味道多层次
虽然同正宗嘅Opera无论形状、层次都好似，但当然唔一样啦，唔知系咪咁，佢中文名叫「法国千层」，唔用惯常嘅「法式剧院蛋糕」，不过名字嘅嘢都无乜所谓，最紧要系食到一件用心制作嘅靓饼。从网上睇番，Opera源于法国，四四方方嘅形状代表歌剧院嘅舞台，多层次嘅味道代表跳跃嘅音符。小弟𠮶时晌工联会所学嘅做法（唔知正唔正宗），系用浸有咖啡糖水嘅杏仁海棉蛋糕，配以一层咖啡牛油忌廉（其实系打起嘅牛油加糖霜同咖啡水而成），再一层软心朱古力浆（黑朱古力沟淡忌廉），一层叠一层，最面淋上镜面朱古力，再用刀修番正四边，咁个蛋糕就可以见人喇！好老实，Opera好考手工，整嘅过程都几烦，小弟试过自己整，失败告终，自始无再搞过，都系买番嚟食好啲！
依次试美心嘅法国千层，虽然系变奏版，真系得㖞，朱古力脆脆做饼底，海棉蛋糕浸有咖啡糖水，弃用牛油忌廉，改配朱古力慕丝同咖啡忌廉，感觉轻怡好多，因为牛油忌廉真系肥得好紧要。照样唔同馅料层层叠叠，质感同味道多层次嘅配塔，各质感都做出应有效果，海棉蛋糕微微湿润而带有咖啡香，朱古力慕丝浓香幼滑，最中层嘅咖啡忌廉虽然咖啡味唔系好重，但轻柔软滑，而每层均均匀匀平铺都唔不容易架。唯一要挑嘅系最面嘅镜面朱古力，好多泡泡，做得唔够幼细平滑！
张贴
