十八座狗仔粉 (已結業)

店舖门面有啲窄，大约只有10多个位，但系卫生情况睇落觉得都OK嘅。叫咗一碗狗仔粉，一碗鸭丝翅，再加一个大杂烩走猪皮。个狗仔粉好食呀，整得好够味，咸咸地，应该用咗啲材料去到煲，所以剩系得狗仔粉嘅情况下，整体咸味都足够，都够香。不过就咁一碗粉收$33 都唔平!鸭丝翅非常之足料，杰到不得了，食咗半碗都好饱，佢咸味都足够。但系我都系觉得食呢类似要落少少酸味嘅醋，可惜佢冇; 同埋如果冇咁杰会好D 大杂烩走猪皮加千味酱，走辣，因为唔太食得辣。 虽然冇咗辣，但系呢碗野都十分之香惹味，因为佢嘅千味酱真系好香，佢系甜甜地，入边有好丰富好浓郁嘅味道，但系我觉得感觉上系有轻微嘅辣到，令到整体好香好惹味。本身佢嘅猪肠同埋猪肚都整得够淋，再加上好惹味嘅酱汁，整体好好食！萝卜再加千味酱又系好食啦，不过如果可以再淋啲就更好！