La Serre

营业中

休息中

本身book咗打风果几日，临时同餐厅讲转时间都OK, 好帮到手。餐厅嘅员工即刻覆同处理，都好好人呀。其实呢间餐厅之前都去过㗎喇，但系呢就只系饮少少嘢嘅啫，今次系因为挂住呢度嘅气氛好舒服，所以就嚟咗食晚餐啦。我地拣咗坐外面，天气凉咗，呢个位够静又够凉，又可以望下海，好正。我哋头盘就叫咗一个烟三文鱼牛油果沙律啦。一个人份量就刚刚好。然后主菜方面，就叫做蕃茄酱西班牙红虾意大利幼面。虽然应该唔系新鲜货，但系调味汁好味，虾做到算爽算弹牙，令到我地秒清咗碟面。🤣我朋友就叫咗一个烤西班牙黑猪梅头肉配苹果蓉。块排都几厚身，肉汁丰富，而且呢个部位唔肥腻，食完唔怕有罪恶感，而伴菜都摆得几靓。苹果蓉就令甜味更突出。嘢饮方面呢，就叫咗一杯蓝色夏威夷同埋一杯Bailey朱古力奶昔。估唔到蓝色夏威夷超级有惊喜呀，有椰奶，Rum同埋橙。意想唔到咁夹同咁fresh! 今日最推荐系呢杯！💕 Bailey朱古力奶昔就系同想像中一样，你侬我侬，够哂浓味。最后有埋个甜品就刚刚好。呢个芒果cake 个mousse 好creamy 好够味，上面仲有粒粒芒果又靓又增加口感，仲有个饼底好厚，我中意😬。