中記

营业中

休息中

朋友约食饭都约咗好耐, 终于今晚可以开饭喇! 其实聚旧唔一定要高级餐厅或者café嘅, 我钟意大排档, 开开心心大大声倾下计, 不知几爽呀! 湾仔呢家家族经营嘅大排档, 系正骆克道市政大厦熟食中心内, 食物比起酒楼店舖嘅一啲都唔输蚀, 熟食中心内又有冷气, 气氛热闹, 每到晚市时段, 都系座无虚席, 而且环境都算干净。菜式方面选择都几多, 如果三五知己嚟可以叫多几款一齐食, 就算两三个人都可以叫佢嘅招牌避风塘赖尿虾, 避风塘炒蟹, 火焰胡椒虾, 秘制辣鸡煲食下, 包你食到舔舔脷呀! 加埋镬气小炒, 啤酒, 用佢地只战斗碗饮胜先够豪气, 又够气氛。今日食咗个鸡蟹餐, 有招牌避风塘炒蟹, 秘制辣鸡煲及金银蛋浸时蔬。招牌避风塘炒蟹避风塘炒蟹真系呢间嘅镇店之宝, 传统秘制, 色香艳丽, 炒得好干身! 肉蟹个身大过我手掌, 蟹钳好大只, 够哂肥厚, 啖啖肉, 蒜辣渗入蟹身, 避风塘料炒的好香, 炸蒜蓉香脆唔会焦唔苦, 椒盐同辣椒好惹味, 成只蟹的味道好吸引, 但唔算好辣。秘制辣鸡煲鸡煲滚住食, 整煲鸡件嘅份量都好多, 秘制辣鸡煲鸡肉滑嫩巧滋味, 酱汁浓厚, 挂满每件鸡上, 微微辣, 加咗大量姜葱