影片
更多
2021-08-28
2286 浏览
唔好睇个名「香叶湾」就以为喺咩越式或泰式餐厅，基本上，可以视为茶记，不过，就提供好多东南亚菜式。承接上文晌大美督「忠诚茶座」嘅食评，踩完单车，一个老友返大埔，我同另一个老死就过太和，因为架车喺佢嘅，返佢屋企摆低两架车，再落去叹下午茶。 因为防疫关系，全场贴咗好多隔板，仲要喺红当当，所以，抢眼得嚟好似好密咁，其实，喺因为餐厅比较多喺卡位，先有咁嘅错觉。相反，正正喺咁，个个卡位变成个室咁。 除咗加高啲隔板防疫，枱面直情摆低成壶热水俾你消毒餐具，就算啲餐具开放式摆晌枱面都唔使担心。 呢度嘅下午茶餐选择非常之多，底面两大版，惯常见到嘅港式又有，星马泰嘅又有，轻盈啲可拣沙律餐、薯条餐、三文治餐，想饱肚啲就可以拣炒粉饭面，定价相宜，二、三十蚊落楼。 炸鸡脾沙律 $33次次啲单车友都喺𠮶几个，佢哋当中有个好钟意食炸脾，所以，之前好几次踩车后嘅食评都有炸脾。今回佢又拣炸脾，皆因佢食开，赞呢度啲炸脾好得，睇样确喺坚得，超大只就唔在讲，炸到皮脆肉嫩，更无炸㶶嘅问题，仲专登切一小嚿俾我影，见佢咁诚意推介，我都写多几行字。伴埋港式嘅杂果沙律，既怀旧，又平衡炸脾嘅「热气」，包埋嘢饮都仲只卖$33，无可挑剔啦！
因为防疫关系，全场贴咗好多隔板，仲要喺红当当，所以，抢眼得嚟好似好密咁，其实，喺因为餐厅比较多喺卡位，先有咁嘅错觉。相反，正正喺咁，个个卡位变成个室咁。
除咗加高啲隔板防疫，枱面直情摆低成壶热水俾你消毒餐具，就算啲餐具开放式摆晌枱面都唔使担心。
呢度嘅下午茶餐选择非常之多，底面两大版，惯常见到嘅港式又有，星马泰嘅又有，轻盈啲可拣沙律餐、薯条餐、三文治餐，想饱肚啲就可以拣炒粉饭面，定价相宜，二、三十蚊落楼。
炸鸡脾沙律 $33次次啲单车友都喺𠮶几个，佢哋当中有个好钟意食炸脾，所以，之前好几次踩车后嘅食评都有炸脾。今回佢又拣炸脾，皆因佢食开，赞呢度啲炸脾好得，睇样确喺坚得，超大只就唔在讲，炸到皮脆肉嫩，更无炸㶶嘅问题，仲专登切一小嚿俾我影，见佢咁诚意推介，我都写多几行字。伴埋港式嘅杂果沙律，既怀旧，又平衡炸脾嘅「热气」，包埋嘢饮都仲只卖$33，无可挑剔啦！
冻柠茶 +$3茶记嘅冻柠茶有咩好写？的确，叫小弟写柠茶真喺难到我，不过咁，店家嘅柠茶交足货，茶底香，柠檬切得够厚，俾够4片，其实唔喺必然架，见过有啲薄到透光，有啲够瞻死俾得两片，唔知喺错手定缩皮嘞。
咸牛肉蛋治 $28小弟就简单啲，要份三文治。由于新鲜制作，入口啲料够晒热辣辣，打横睇啲料唔算好爆馅，但都俾到足，且有唔少咸牛肉。不过，鸡蛋部份唔喺炒滑蛋，喺煎蛋，食过一间用炒滑蛋方式，感觉正好多，但依家都唔错，至少喺俾足货，咬到入心，仲更加多咸牛肉呀！
热奶茶嚟到茶记，热奶茶哋必然之选，晏昼餐饭已饮咗杯冻啡，依家加多杯奶茶，算喺超额。不过，好彩拣奶茶，因为呢度嘅奶茶算喺小弟周围饮过属高水准嘅一家，茶底浓郁幽香，茶奶比例好，入口茶、奶嘅味道都平衡，口感亦够滑，咁先喺港式奶茶。
多谢老友带小弟嚟呢度食个下午茶，尤其踩完单车，轻松坐吓，叹吓，啲下午茶感觉特别好食；再者，卖28蚊又俾足料嘅双拼三文治，加杯高水准嘅热奶茶，满足度爆灯啦。
张贴
