香葉灣 (太和廣場)

营业中

休息中

太和街坊有福，食物份量味道可觀，但我就不再回頭幫襯了。食物：啲扒餐又抵又好味，汁足肉質可以，湯也中上。有湯有side dish 有drink 有餐包，想點呀太和渣。服務：劣利申第一次黎，就見個老闆鬧客，嗰女食客已經好有禮貌離開位去問下老闆，想知嗰餐轉呢樣可以嗎。老闆不用開鬧吧，話做咩改我啲餐！大大聲喎。其實做茶餐廳都可以斯文回覆啫，又無講要咬文嚼字。我怕到看清楚整個餐牌，個扒餐要選咩。一舉手order又係老闆見到，我怕大鑊啦，結果佢叫男侍應跟，我都照被鬧。兩個字傳承。小食客我講曬餐號,、餐湯白湯、餐飲，都未講埋要咩汁，個侍應就串我，眼神厲我，我問做咩事，佢就話要咩汁。（明顯因為唔係跟佢習慣落單選項，要先講汁後講湯最後飲品）我哋啲香港可憐食客，只能低聲下氣說而家講架啦。之後仲反問要咩湯，伏曬，一早講白湯，（明顯因為唔係跟佢習慣落單選項，要先講汁後講湯最後飲品）。明白openrice 機制未必同意，但服務要反映否則劉德華同古天樂都不用出黎廣告一番。衛生：連枱底都有蒼蠅，可見衛生一般般。對事不對人，服務是全餐廳的，老店客外勁排隊，我都吃150蚊架，老店服務質素要改善，難難難......會否因

朋友話午餐居然食到德國咸豬手，都係六十幾蚊，起初不太相信，睇埋相之後，真係好吸引，想約會了好幾次，終於夾到時間，可以品嚐一下…這家食店名稱都幾特別，詩情畫意，裝修都雅致，雖然有分店，但我都係第一次見到。餐牌寫明係豬手係半隻份量，作為午餐應該好足夠了；落單時還可以選擇配撘薯菜、白飯、意粉，安排相當貼心。A8餐終於上枱了，外皮香脆丶肉質黏口嫩滑，調味不會太鹹，切咗十幾刀都仲未食完，果然值得一試再試。記得揀黑椒汁，配搭應該夾味，入口不算太辣，茶記來說已經係超好味！

想去呢間餐廳食飯嘅人 盡量唔好晒錢，時間去呢到好日唔會到太和 今日因為單車活動而去太和食晚餐 叫咗三個小菜套餐 炒菜同豬頸肉勉強叫正常 最經典莫過於西檸雞 第一啖食落去 真係不得了 個汁完全係冇檸檬嘅味道 又唔酸又唔甜 仲要係橙黃色嘅 雞肉明顯係用嚟做早餐或者黑椒雞扒飯嘅雞扒 淨係得鹹味 最經典莫過於 我問職員係咪嚟錯嘢 因為呢個西寧雞冇檸檬亦冇檸檬味 佢居然同我講佢哋嘅西寧雞係冇檸檬味嘅 實在係驚為天人 我食咗幾十年西檸雞都係今日先知原來西檸雞係可以冇檸檬汁同檸檬味嘅 最後個職員重好鄙視我嘅問題

我同我太太點幾去食午餐，我太太先叫野食，我要睇睇食咩？準備想叫，個男見到，我問佢，呢個烏冬可唔可以轉河粉，我完全聽唔到佢講乜，蚊絲甘細聲，聽鬼到咩！講兩講，好似話唔得，佢啲語氣極度…..，了哥好似唔服務我甘，咁我轉另一樣，我就叫豉椒牛肉河粉，佢又係好細聲話講號碼，好似講左兩三次，我心諗，乜你唔識睇餐牌個號碼架？點解要個客又要講號碼？唔識得變通咩？如果好聲好氣，我都會講，但佢甘既服務，我真係好勞氣！ok，我就照講號碼，叫埋野飲，佢又好細聲問我飲咩湯？我話飲紅湯，河粉同湯就嚟左，我就食河粉先，食食吓，佢就撞我坐張櫈一野，我好想知佢係咪有心？我越食越火滾，加上叫左杯野飲重未嚟，我真係對佢嘅服務極度不滿！講真句，啲嘢又唔係話好食，重要佢甘既服務態度，我真心講句，冇下次！就算周圍冇嘢食，我都唔會再幫襯呢間垃圾！

我住村屋，距離巿區比較遠，今日終於的起心肝出村去太和食餐飯，點知揀左呢間劣食。幫我地落單嘅阿姐好似唔想做咁，都未落完單就擰轉頭想走。我叫左個青咖哩牛腩飯，難食到難以置信，又無味又難咬，冇醃過嘅煲湯瘦肉都好食過佢杯熱朱古力淡到水咁男友叫左個泰式炒金邊粉，好彩都叫正常，唔難食嘅我地仲叫左個泰式炸蝦餅，好薄，似係將塊蝦餅喺中間一分為二呢間野服務差，野食差，即使諗唔到食乜都完全唔值得再去簡直影響咗我放假嘅大好心情

諗住放假同家人食下午茶，約1：45去到，等到約1：52, 我問可否比定下午茶餐牌睇下先。男職員話2：00先，我話未夠2：00唔可以睇咩，他不理會便走左。2：00我再問，女職員態度更惡劣，她話等等啦，成間得你一個客呀。真係嬲到爆，即走。我心諗，成個太和邨都唔係得你一間食肆，我唔會再幫襯呢間呀。

一心諗住同屋企人食過午餐，未攞完餐具個四眼亞姐就一手攞走左話要比第二枱客都算啦，見佢攞左兩杯水比隔離枱，屋企人就已經唔該前唔該後咁問佢攞兩杯水，佢就叫我地自己攞。我問佢點解你攞比隔離枱，我地就要自己攞。佢就好直接咁講係咁架啦，唔x鍾意咪咪食囉🤬嘩～嬲到我，上去同佢理論，佢啲職員話可能佢太忙所以做到有啲急燥，我頂你啊，你忙做到急燥關我鬼事啊，比錢仲要受你氣，比你攞黎出氣😡😡最後退錢冇食直接走人，以後都唔會再去。邊間餐廳請到啲咁高質，要搵啲客黎出氣嘅員工，鬼真係恭喜佢

一心諗住同屋企人食過午餐，未攞完餐具個四眼亞姐就一手攞走左話要比第二枱客都算啦，見佢攞左兩杯水比隔離枱，屋企人就已經唔該前唔該後咁問佢攞兩杯水，佢就叫我地自己攞。我問佢點解你攞比隔離枱，我地就要自己攞。佢就好直接咁講係咁架啦，唔x鍾意咪咪食囉🤬嘩～嬲到我，上去同佢理論，佢啲職員話可能佢太忙所以做到有啲急燥，我頂你啊，你忙做到急燥關我鬼事啊，比錢仲要受你氣，比你攞黎出氣😡😡最後退錢冇食直接走人，以後都唔會再去。邊間餐廳請到啲咁高質，要搵啲客黎出氣嘅員工，鬼真係恭喜佢

呢間就喺太和站旁邊太和廣場既香葉灣～～其實我都知呢間野係到好耐啦～～但又真係一直冇乜機會食佢啊…呢日無啦啦心血來潮，好鬼想食番個海南雞飯啦～～見佢地都有賣海南雞飯就行入去試下啦。佢地樓面嗰個叔叔好街坊式招呼咁0既😂呢種餐廳有時就係食呢種無名0既親切感啊😆😆呢到0既海南雞飯都好正宗下，唔似依家d新式無骨又無味既雞飯咁（果d我真係唔會叫佢都做海南雞😌）最緊要杯奶茶夠香濃幼滑，非常不錯！正啊！😄

今日剛好在太和區工作，是是但但搵個就腳地方食個早餐入左呢既叫香葉灣既茶記，見佢地都幾旺下，相信都係街坊心頭好掛😁早餐都係d正常野啦，沙嗲牛啊，火腿通粉個d大路野，不過我都係好悶既，次次點親都係沙嗲牛肉麵哈哈！小女子都可以算係食過好多大大少少唔同茶記既沙牛之後，呢間香葉灣既沙牛我可以講真係水準以上！食得出一定係出至老師傅，濃郁得黎又唔止於會過咸！份量都唔會小氣，牛肉同汁醬麵非常足料啊！呢間街坊客茶餐廳真係唔睇得少啊，沙牛就睇得出真功夫啦，重要杯奶茶都香滑好飲，推介啊！

早餐食物質素非常之低，嗌咗份煎雞扒嚟到仲係生嘅火腿通粉浸到勁耐魚柳煎到有一浸燶味牛油方包得兩塊勁普通嘅麵包牛油小到極點檸檬茶味道酸到爆總言之就係嚟過一次，以後都唔會再嚟

服務員超級冇禮貌 ，一入到嚟見到好多人一個人坐一張枱 ， 問佢會唔會有其他枱，佢話:　 「唔得喎，一個人一定要搭枱 。唔啱你咪唔好食囉😂」在場眼見有幾枱都係自己一個人一個人食。因為家中有bb，所以我比較注意安全 🥲 以免我生病嘅話，BB沒有人照顧。後尾同屋企人講返成件事，原來屋企人係呢一間餐廳都有多次不愉快嘅經驗。 所以絕對唔會有下一次，店員蠻不講理，並要求我等齊人先入嚟。自己隨時對唔同人有不同的要求。所有規矩都係店員自己所定立。想找經理都沒有。

9：11分落單 著件外套個面就到左 我都算啦 食到一半岩想問杯凍奶茶仲未到佢就岩岩到 我問伙計點解你個面快過個凍奶茶咁多既 佢話電腦單 好快架 我就問佢 你個面吳使煮架 我著完件衫你個面就到左啦 快到咁佢無答我跟住走開左 個面仲要好淋 沙爹牛好韌 呢間野真係無下次 埋單果陣問收銀 你地個面係吳係煮得好快架 佢答係 如果無咩做好快架 點快都無理由10秒出到個面啦 的服務態度真係差 咁答都有既 佢地自己有無煮過野食架 10秒煮到個面出來 真好俾佢吹脹 請到的咁既伙計真係多謝佢吳小 已取消左限聚令中間仲要間塊板係度 呢間鋪真係騎呢

太和邨嘅早餐選擇唔少，呢度特別之處係「泰滋味」早餐有金邊粉、扎肉揀。今早試咗個沙爹牛肉煎蛋米線，牛肉好味份量又足；最值得讚係啲嘢上得極快，侍應姐姐服侍態度亦好好👍🏻如果幫襯下午茶，仲可以喺戶外曬吓太陽😍

今朝要陪我家老闆去攪特區護照續期，攪掂順路就去咗太和商場諗住早D食晏，點之去到荷葉灣睇到佢早餐供應到11:30又幾好喎，扒餐價錢又平，就食多次早餐當午飯啦。佢個扒餐OK呀，可以揀火腿通粉或羅宋湯，今朝已經食咗個麵，咁我就揀咗飲湯啦，個湯有番茄味仲幾濃郁，茶記嚟講算幾好啦。另外果塊牛扒都幾正，早餐貨式竟然都有少少JUICY，至於個剪蛋呢就好明顯係一早煎定一堆曬哂喺度等人食果D啦，至於果塊午餐肉呢就出哂事，一個好鍾意食午餐肉嘅我竟然覺得佢難食到食唔落，大佬我對呢D垃圾食物要求一向已經好低啦，原來都有我投降嘅時候，究竟係邊個牌子可以難食到咁…. 而最大鑊呢，係佢杯檸檬茶，唔知佢D茶沖咗幾耐嘅呢，都好苦澀下喎，咬完個咁難食嘅午餐肉之後，再飲咗幾啖勁苦澀檸檬茶，呀~ 我都係早D去買餸返歸預備今晚做冬算啦 ~~