柳氏家 (已結業)

去到个时如果叫happy hour 就得返1个钟头度就要交枱，所以我哋5个人最后叫左100分钟个款任食，唔包烤肉所以冇得拎菇类个啲去烧。但前菜啲粟米，泡菜，酸瓜，沙律都唔错。炒饭唔会太干或者起晒饭蕉，侧边仲有菜同好食嘅年糕，尤其紫色个款特别好味，年糕够晒黏韧，但又唔会好难咬断。🤤 另外啲炸鸡同鸡翼都唔错，几款味道都可以。绝对可以食鸡食到饱，炒饭亦都可以添加一次。餐厅环境干净，返到屋企啲衫都冇油烟味，可能因为店内有分开烤肉区而我哋又坐得离开个区。中间有漏单情况出现，但店员有帮手处理。