真秘鍋 (已結業)

朋友生日，有人话想唱K，有人话想打边炉，估唔到真系有地方可以满足呢两个欲望，而且间K房同CEO唱K房一样咁掂，音响好，音色靓，仲有埋独立洗手间添！打去问D房果然好full啊，好彩醒目有提早book！Book K房有500一位最低消费，平时食餐饭都300-400百，唱K都要成200，我觉得都合理算几抵。我地食得唔多，拣唔到咁多野食，所以食得矜贵啲，有人唔食得辣，我地叫左个麻辣拼人参鸡汤底，满足大家嘅口味。呢个澳洲龙虾刺身，就系我地嘅主菜。。呃like用😂。。肉质实净够弹牙。另外叫左个牛小排，大围都食牛，就点左呢个试下，排场一流，油花多，牛味十足。海虾系我点，点都要叫返啲我想食嘅，估唔到同样出场都咁有气派，虾肉爽身弹牙。食完肉当然叫返个菜啦，我地点左皇帝菜同生菜，上枱美观，食落菜就同度度食嘅差不多啦！