姨婆瑪麗 (已結業)

今日又去搵姨婆，純粹係想試吓瑪麗推介嘅肥嘟嘟芽菜，於是叫咗個怡保芽菜雞，HK$68蚊包嘢飲，猴子照舊飲豆漿，貪佢獨立包裝靠得住。一上菜，猴子第一件事試吓個肥嘟嘟芽菜，食落口，感覺是味道比一般芽菜淡，而且肥嘟嘟芽菜幾乎冇芽菜頭，少咗一份咀嚼感，不過輪外貌係幾有趣兼滑稽。至於油雞方面，略嫌肉少了一點，但勝在口感夠滑，算是不過不失。猴子今次食咗「怡保」，而同行嘅同事就食咗最「邪惡」嘅炸雞髀，姨婆瑪麗嘅炸髀係連雞皮都炸到卜卜脆嗰隻，可惜近排猴子熱氣唔敢食，搵日真係要試試。