影片
更多
2012-04-21
72 浏览
2月2日, 是夜好想食laksa~ 但系人在铜锣湾都真系唔知边度先有得食… 结果行下行下行到炖奶佬门前, 竟然发现佢有喇沙! 见入面环境都光鲜阔落, 又唔洗等位, 所以就入去开餐啦~::: 喇沙猪扒米线 + 冻奶茶 ::: $39其实睇完个menu之后真系样样都想试! 不过我既然系为喇沙而来, 最后决定跟随本意叫个喇沙试下~ 不过比对面谭仔影响咗, 所以连个喇沙都要拣米线… 喇沙上场, 汤头色水望落比正宗喇沙浅同清, 少咗阵辣油同椰奶咗浓香味, 不过都算惹味~ 猪扒薄身, 肉质偏腍, 但都几入味. 同场仲有鲍片、芽菜、韭菜、蛋等, 但最正嘅其实系够豆腐干! 本身已有少少卤水微甜咸香, 加上超索汁又腍身, 好好味! 米线都几烟韧~ 唔错.冻奶茶就ok啦~ 茶底削咁d, 搞到好似稀稀地咁…::: 咖哩牛腩饭 + 招牌炼奶红豆冰 ::: $46咖哩标榜住系巴基斯坦咖哩, 当然嗜辣嘅呀比要试一试~ 咖哩上枱已经闻到好浓咖哩味, 卖相唔错, 都真系几正宗巴基斯坦, 辣度都几够, 比一般港式咖哩辣, 加上d洋葱粒, 薯仔茸咁, 又够晒香~ 牛腩只系一般货色, 比较韧咗d, 但系都几入味嘅, 薯仔好
::: 喇沙猪扒米线 + 冻奶茶 ::: $39
其实睇完个menu之后真系样样都想试! 不过我既然系为喇沙而来, 最后决定跟随本意叫个喇沙试下~ 不过比对面谭仔影响咗, 所以连个喇沙都要拣米线… 喇沙上场, 汤头色水望落比正宗喇沙浅同清, 少咗阵辣油同椰奶咗浓香味, 不过都算惹味~ 猪扒薄身, 肉质偏腍, 但都几入味. 同场仲有鲍片、芽菜、韭菜、蛋等, 但最正嘅其实系够豆腐干! 本身已有少少卤水微甜咸香, 加上超索汁又腍身, 好好味! 米线都几烟韧~ 唔错.
冻奶茶就ok啦~ 茶底削咁d, 搞到好似稀稀地咁…
::: 咖哩牛腩饭 + 招牌炼奶红豆冰 ::: $46咖哩标榜住系巴基斯坦咖哩, 当然嗜辣嘅呀比要试一试~ 咖哩上枱已经闻到好浓咖哩味, 卖相唔错, 都真系几正宗巴基斯坦, 辣度都几够, 比一般港式咖哩辣, 加上d洋葱粒, 薯仔茸咁, 又够晒香~ 牛腩只系一般货色, 比较韧咗d, 但系都几入味嘅, 薯仔好味, 够粉又够腍, 唔错!
招牌炼奶红豆冰算几好饮, 个炼奶令到杯野好够甜, 红豆偏淡, 可能俾个炼奶甜味遮住咗, 但系叫做招牌又好似唔系好特别.
由卖糖水卖到而家变成一间茶餐厅, 餐牌供应嘅食物由起家嘅传统炖奶糖水, 地道茶餐厅三文治公仔面碟头饭煲仔菜、至西式焗饭焗意粉、潮式河粉、泰式粉面、越南汤河、日本拉面、马拉喇沙甚至巴基斯坦咖哩… 款式之多真系你想食乜都有. 论食物味道环境服务其实都唔错~ 真系够姜够条件同隔离翠华fight过!张贴
