金裝燉奶佬餐廳 (已結業)

超嬲一個早餐要等十幾廿分鐘都唔黎，早餐好多人都要趕返工架！我吹佢上菜....佢仲要唔比反應就走....好趕好趕咁食完份早餐之後比錢....個收銀又惡又無禮貌.....比錢我都已經唔係比一千蚊，五百蚊者，無錢找！好啦⋯⋯要串爆咀話找廿蚊比你囉⋯⋯你要唔要呀！咩態度！做收銀唔係比第二個建議個客既....唔識禮貌問客人會唔會考慮比八達通既咩⋯⋯淨係惡個客人無錢找....加埋張椅起哂積又黃又發毛...講真都已經唔想坐！以後都唔洗幫親啦！

雖然新年期間要收加一服務費，但在銅鑼灣區算相宜了，還可用現金劵。份量夠之餘套餐加幾蚊就有糖水或者冷熱飲，惟一不足之處就係坐得較逼挾，不過旺區食嘢就要忍受呢樣嘢啦…

幾年前食唔錯，今日再去食好失望.....唔平又唔好食，態度又差。一入到去d侍應同廚房佬喺度鬧交咁，超嘈。menu望落好多選擇以為唔錯，到點菜話無哂炒野，另一個侍應又話只係無炒河。加油菜，又話無哂，另一個侍應又出黎話有小棠菜.....原本個侍應仲要好唔耐煩藐嘴。福建炒飯，頹。牛扒意粉，頹，白烚咁。普通茶記40蚊好食過佢5x蚊多多聲。油菜一滴油都無。食m記或者食貴供野會有保證d同無咁嬲。難食到未飽都啃唔落。

你吃過剛剛炒出來完全唔熱的叉燒炒河未？而且炒得十分差，史上最差的炒河粉！I ordered laksa- it didnt taste laksa and it tasted like hot water with spicy sauce.

極差的侍應，沒有服務可言，明明舖內大把位，卻用很惡的態度安排面壁位置。最後太嬲沒留下用膳就走了⋯⋯之後過了隔壁的翠華，態度好得多⋯⋯以後唔洗旨意我再去燉奶佬，侍應趕客，垃圾！

聖誕節，各種聖誕慶祝，各式聖誕大餐，各種不同聖誕禮物……各方面刺激你的感觀，令人感到非常歡樂，這就是「聖誕快樂」。聖誕過後，一切開始平靜下來，心情也平靜下來。今天的午餐卻又一次令我感到聖誕快樂！青紅椒，紫色洋蔥，白色芽菜配上金黃的河粉，加上海鮮的點綴，色彩比聖誕燈飾還豐富，種類比聖誕禮物還多。味道更加是豐富多彩。芽菜清甜，蝦味鮮甜，洋蔥爽口，魷魚煙韌，青口甘香，蛋味香濃，河粉爽滑香口⋯⋯這不正是聖誕的氣氛嗎？這道色香味俱全的星洲滑蛋海鮮炒河，令我越食越快樂。聖誕過後又再一次感到聖誕快樂。

今晚要陪媽咪去SOGO買飲衫，其實只係佢話好耐未去shopping買衫，想出去行下，順便想偷懶下唔煮飯，買嘢都要先醫肚，本嚟我話想請佢去食大餐，但佢話求其食D飽肚就算喇，附近我記得有金裝燉奶佬餐廳，嗰度嘅黑糖燉奶唔錯。餐廳係翠華隔離，好容易穩，呢個甜品性價比好高，唔洗$20，一大碗黑糖燉奶，燉奶好香滑，雖然係話黑糖但唔系好甜，味道剛剛好，椰汁凉粉水性價比仲高，有凉粉同埋椰粉，甜甜地感覺幾好。香茅豬扒豬飯同芝士焗雞扒意麵，豬扒同雞扒都做唔錯，特別係芝士焗雞扒，味道好正，媽咪話距嗰份豬扒都唔錯哦，分量足夠大，食到我地兩個都好飽。

唸住近近地食個lunch。叫左野食。之後聽到員工大叫將個外賣幹炒牛河轉堂食🙄🙄，講完重先知到被我聽到。我當然立即轉食其他啦。無發距難炸啦。仲要講藉口咯。話寫錯...🙄🙄

之前都試過呢間餐廳喺大圍同馬𩣑山既分店，不過都覺得唔太好食。今次因為約左女朋友喺銅鑼灣總統戲院睇戲，見時間唔太充足又落雨，偷方便就又行左入對面既燉奶佬，心存僥倖諗住呢間分店會為我地帶來正常的一餐。入到餐廳後侍應都好有禮貌咁帶位同推薦餐牌上的選擇。兩個人分別叫了一個香茅雞翼米線，一個喇唦雞排米線，同一杯鳳梨沙冰特飲。香茅雞翼米線，成個湯底都係冇味既，完全唔吸引。而雞翼賣相唔差，但入面未熟有血。喇唦雞排米線望落幾正常，但食落都係偏淡，欠缺喇唦味。鳳梨沙冰特飲，侍應落力推薦所以叫左一杯，都okay。總體感覺對這間連鎖品牌還是覺得有待改善

紅豆冰配雞髀一流之選😌下午茶黎講份量都略算足夠！雞皮炸得脆，而肉汁都多，不過有小小位燶，但問題不大🌝金黃色西多士配煉奶，都好脆口，水準不錯～紅豆冰黎講，奶味就欠缺左啲，所以吾夠滑口啦🤔

同朋友行左好耐，諗左好耐都唔知下午茶食乜好。行行下經過燉奶佬，見到門口menu tea set有雞脾，完全比佢吸引住！無諗甘多就走左入去，醫飽個肚先講！ 由於我地二人都好想食雞脾，所以嗌左兩個下午茶都係有炸脾既！不過其實佢下午茶仲有好多選擇，有十八款甘多。 呢份我既，炸脾配薯角。其實炸脾係我心目中可以分兩大款，一係好似kfc果種炸到個皮好厚好脆但食完成口都係油，二就好似燒雞脾甘層皮薄d，我就prefer 第二type2,好明顯呢隻炸脾係第二type! 不過就乾左小小，切果時無乜汁流出黎，但夠味既，都幾好食。 朋友都想食炸脾，為左同我食唔同既野，佢嗌左多士。我食左一啖，幾脆，查埋牛油同煉奶，唔錯！ 下午茶可以加$6有多個雪菜肉絲米，勁多雪菜囉，好抵食。 同朋友都各加$8升級特飲。凍奶茶都加$3,不如加$8 trytry呢杯特飲恕小妹愚昩，紅豆冰飲得多，奶茶紅豆冰就第一次飲。利申奶茶控，忍唔住嗌左杯試下。味道ok, 不過紅豆味唔出，沉在杯底，飲完先食到紅豆忌廉也令奶茶更滑，味道都幾好 今次坐係卡位，同朋友食左差唔多成粒鐘，都無趕我地走，哈哈！每人大約五十蚊埋單，甘就渡過

小時候十分喜歡到燉奶佬吃午飯,因為味道吸引之餘,又有甜品吃,真的非常喜歡但可能是近來物價高漲,成本大增,所以食物質素真的差了很多今天來到,首先套餐真的貴了很多,以前30多元吃到的,現在要50元而且味道差了很多雞扒飯,雞扒完全沒有味,煎得又不夠脆飯的份量很多,但老實說,非常乾,完全不好吃而燉蛋亦涼了很多,不過尚可接受十分明白現在餐廳經營艱難,但食物質素一定要正視

好多時一個人食飯就無所謂, 去到邊食到邊, 最多選擇的一般是茶餐廳亦同樣是小妹最愛的地方。這裡選擇多到唔信, 中, 西, 日泰乜都有, 保証日日黎都唔會厭小妹選了「咖哩汁焗海鮮飯」套餐飯已炒底, 雖然加入不小咖哩汁也不會令飯粒太過糊口海鮮來來去去都係青口, 墨魚, 幾粒蝦等, 老實講我可以完全撇除所有的所謂海鮮只吃焗飯, 因為焗飯香口又惹味, 唔會好辣, 岩晒我。吃過咖哩後來一杯甜甜的意米檸蜜滋潤一下先 。一個人吃飯基本上無乜要求, 最重要又快又經濟。

一個人的下午茶, 在銅鑼灣的「燉奶佬餐廳」。門面光鮮, 內部裝潢佈置卻十分失色, 只感受到茶餐廳的格局。熬到下午茶想食個特價下午茶餐, 望下個餐牌這裡的下午茶差不多要四十元真的不太便宜, 物價升得驚人。炸雞脾併薯角$38賣相真的麻麻, 食物好像燒得過火至顏色偏黑。每次食炸雞脾都期待送上的是生炸雞脾, 可是每次都失望而回。這次也不例外, 印象中最對辨的炸雞脾應該是旺角的「中國冰室」, 味道令我經常回味。說回「燉奶佬」的炸雞脾, 顏色偏黑估計是鑊不夠清潔或油唔靚。咬下去, 好乾好乾, 再沒有其他形容詞。唯一可以讚是夠熱而且調味足。旁邊的薯角同樣的顏色偏黑, 喪失了原有的顏色及光澤, 單看賣相已經大打折扣。咬下去, 質感比較粉, 味道不過不失。凍奶茶(+$3) 味道一般, 茶不夠香, 太多冰。

4人去SOGO行街,行到好夜先食飯,冇咩所謂去左金裝燉奶佬食,見到呢個藍蝶花系列先醒有BLOG友介紹過呢杯特飲,即想試下呀。跟餐加$9轉特飲,大家都要了特飲,我要了藍蝶白桃水晶,aeris的藍蝶雪梨水晶,田會長的奶茶紅豆冰及KING的紅豆冰。是紫色的特飲,賣相好靚呀,藍蝶白桃水晶,有好香的白桃味呀。喇沙肥牛肉湯米線,有肥牛、蝦及豆卜等,味道正常水準呀。泰式豬頸肉濕炒河,味道濃郁,幾好味呀。合理價格食物普通呀。