紫京海鮮飯店

营业中

休息中

够镬气都系要去大牌档先掂呢一句说话真系一D都无讲错，唔系朋友介绍都唔识去正街街市熟食中心揾食。3个人点了四个𩠌一D都唔过份啦。椒盐鲜鱿简简单单却又真真正正试到师傅嘅真功夫。炸浆不能够太厚、鱿鱼要够鲜味兼弹牙、油温嘅控制，缺一不可，呢度嘅师傅系真师傅，唔系求其马虎炸D野出黎就话系椒盐鲜鱿，呢个𩠌掂。蚝仔煎蛋嫩滑，蚝唔大唔细啱啱好，始终系蚝仔煎蛋，蚝仔同煎蛋都应该系平起平坐，是但偏埋一边都会无咁好。韭菜花炒猪颈肉就差少少，主要原因系D猪颈肉太肥，其实师傅炒得好够镬气，如果D猪颈肉唔好咁肥会加返好多分。炒西兰花基本上都系熟就OK，唔好以为熟好易，出面成日食到D未炒熟嘅西兰花架。