萬發海鮮菜館

营业中

休息中

同朋友做手工做到夜一夜，仲开紧既食肆唔多，所以惟有拣间大排档炒几个小菜食下。相信大家都对万发唔陌生，佢地既小菜真系唔错架～✨三鲜牛骨髓其实好少地方有牛骨髓呢味𩠌，难得呢到有就紧系要试下啦！三鲜系指虾、鱿鱼同蘑菇，三种食物都弹牙爽口。而牛骨髓口感嫩滑，咬咬下仲感觉几creamy，牛骨髓本身就冇咩味既，但加埋啲蚝油酱汁，食落鲜美可口。✨黑椒牛仔骨黎到万发成日都食薯仔牛柳粒，今次就叫黑椒牛仔骨试下。牛仔骨既份量都几多，仲配左啲青椒、红椒、洋葱之类。洋葱炒得唔系好耐，食落好辣。牛仔骨就比较韧，好难咬。但系加埋个黑椒汁，辣辣地都几过瘾。✨姜葱鱼云煲超中意呢味𩠌！成个陶瓷煲咁上，慢慢食都系热辣辣架！啲鱼云先走过油，所以外层仲脆脆地，有啲仲可以成旧骨食埋，而入面既鱼肉仲好嫩滑。姜葱味好够，食落好香口，而且一啲都唔腥。最中意系食埋啲葱，炒左除去左辣味之余仲带哂啲葱香，送饭一流。