Pancake 專門紗織 (已結業)

之前经过已经觉得呢间舖头好靓，好想入嚟试，奈何太饱。今次同朋友食完饭，仲有好多计要倾，想揾地方食完甜品先返屋企，即刻谂起呢度😊我哋一行四人，好好彩一入到黎餐厅，全餐厅最靓𠮶张枱啱啱埋单，我哋即刻等佢清洁之后就坐低。餐厅环境真系好靓，好梦幻，真系好似去咗日本𠮶啲Café咁。上次经过已经睇中咗佢个自选Mont Blanc pancake，pancake可以选择原味，朱古力味，或者绿茶味。雪糕有五款可以拣，吹面头𠮶一层可以选择栗子，紫薯，士多啤梨。我哋嘅选择系栗子，绿茶雪糕，朱古力pancake。一上到枱当然觉得好靓，佢嘅pancake并唔系好似其他日本pancake咁好松软果一种，有啲似蛋糕多啲，味道非常好，一个份量系够两个人食，因为都好「漏」。我朋友就接受waiter推介叫咗个培茶雪山，最底𠮶层都系pancake，入边亦都有雪糕，整体感觉其实似食紧Baked Alaska，超赞👍🏻份量都系够两个人食。