曲奇童話

营业中

休息中

曲奇童话喺香港都有好多分店㗎，今次我就专程去到铜锣湾分店，而家铜锣湾Sogo都有得卖😍佢哋嘅月饼同软曲奇更加系有唔少好评。四喜礼盒🥮奶黄月饼奶黄入口湿润，奶香都好丰富，饼皮又薄，唔怪得咁受人欢迎。🥮柑橘伯爵茶月饼除左茶香之外，仲有柑橘既香甜，味道非常丰富。🥮绿茶玫瑰红豆月饼红豆同绿茶真系绝配呀，好味。🥮双重朱古力月饼朱古力嘅层次感丰富，味道非常香浓，好好味呀。软曲奇方面，佢哋有麻薯软心曲奇，同一般软曲奇。🍪麻薯曲奇既口味有：花生麻薯，朱古力麻薯，绿茶栗子麻薯同伯爵茶麻薯。🍪麻薯入口幼滑，仲唔痴牙添，令到成个软曲奇口感非常丰富。当中朱古力同花生味道比较重，其余两只味嘅味道就比较清淡，适合钟意食唔同口味嘅人。🍪软曲奇嘅口味有：双重朱古力，绿茶开心果南瓜子，咸蛋芝士同玫瑰草莓。虽然冇咗麻薯，但软曲奇占嘅份量多咗，可以清楚咁感受到软曲奇既魅力。当中我觉得最特别嘅莫过于系咸蛋芝士，咸蛋味非常香浓，配上芝士嘅味道令到成个软曲奇有少少咸味，好有特色。