牛大人台灣火鍋吃到飽 (加拿芬廣場)

营业中

休息中

今日朋友约食饭拣咗 🐮 牛大人 🐮，唔经唔觉都好耐冇帮衬牛大人，汤底比以往多咗好多款，朋友唔想食得咁热气，所以拣咗阿嬷养生浓汤锅比较清淡啲。依家日本鸡蛋一哥梦王同牛大人合作，凡叫澳洲极上和牛餐嘅客人就可以拣「梦王生鸡蛋」或「酱油溏心梦王蛋」，见两款都有兴趣所以就各拣一款，而且依家仲有澳州和牛牛丸送。虽然阿嬷养生浓汤锅系清汤，但系配料都唔少。呢只酱油溏心梦王蛋超好食 🤤 酱油味甜甜地之余又有蛋香味，唔怪之得系鸡蛋界咁出名。套餐提供好多款唔同口味嘅鱼滑，鱼滑爽口弹牙，味道唔错，而牛肉亦提供好多款唔同嘅部位，套餐送嘅澳洲和牛牛丸朋友都赞好好食，牛味非常浓郁。呢度海鲜种类虽然选择唔多，但系啲蚬同虾都非常大只 🦐 肉质鲜甜。除咗打边炉食品，另外仲叫咗啲熟食，呢个梦王脆蛋，上枱时先知系炸杂锦蔬菜，油炸技术唔错，食落酥脆而不油腻。虽然餐厅有好多饮品提供，不过朋友想饮吓啤酒 🍺 少爷啤入口浓厚甘醇带麦芽味，钟意啤酒嘅朋友可以叫返杯叹吓。