影片
更多
2024-08-04
22 浏览
竹面谱 (太子)今日收工行经太子见到间舖个名几特别，加上周年纪念有88折就入去试下，呢间餐厅阿咗传统粉面外，仲有唔少其他特别选择，价钱都系街坊学生价，好吸引🤤入到去感觉好亲切，店员都好有耐心推介店舖特色食物，有梦王系列，花胶套餐，自选百搭饭，真系花多眼乱呀🤣梦王和牛丼$68牛肉系用咗鹿儿岛A5和牛，再加梦王生蛋黄，黎到已经闻到好香，拮穿蛋黄再捞个饭，就已经流晒口水，牛肉入口即溶，再配蛋汁捞饭真系劲正❤️平时出面食和牛，闲闲地都100几蚊，依家呢个价钱真系街坊价，份量仲要十足，必叫之选❤️梦王蒟蒻冷面$48 烤猪颈肉+$18天气咁热，想食返啲开胃野就拣咗蒟蒻冷面，配料都几多，除咗有梦王流心蛋外，仲有青瓜丝，粟米，车喱茄外，响麻酱入面仲加咗吞拿鱼，食落清爽又开胃👍烤猪颈肉相当出色，外面香口得黎入面充满咗肉汁，劲正🤤🤤紫菜三宝汤$44除咗紫菜外，仲有鱼片头，墨鱼丸同牛丸，紫菜爽口汤都十分清甜好饮👍小食双拼$30叫咗炸花枝丸同墨鱼饼，食落十分弹牙，点埋泰式酸辣酱，绝配。食咗啲热气野，呢度仲有每日新鲜自家制凉茶可以叫，拣咗支清心火($22)，微甜得黎又顺口，好好饮😚因为主打街坊生意，所以价钱相宜，但
今日收工行经太子见到间舖个名几特别，加上周年纪念有88折就入去试下，呢间餐厅阿咗传统粉面外，仲有唔少其他特别选择，价钱都系街坊学生价，好吸引🤤
入到去感觉好亲切，店员都好有耐心推介店舖特色食物，有梦王系列，花胶套餐，自选百搭饭，真系花多眼乱呀🤣
梦王和牛丼$68
牛肉系用咗鹿儿岛A5和牛，再加梦王生蛋黄，黎到已经闻到好香，拮穿蛋黄再捞个饭，就已经流晒口水，牛肉入口即溶，再配蛋汁捞饭真系劲正❤️平时出面食和牛，闲闲地都100几蚊，依家呢个价钱真系街坊价，份量仲要十足，必叫之选❤️
梦王蒟蒻冷面$48 烤猪颈肉+$18
天气咁热，想食返啲开胃野就拣咗蒟蒻冷面，配料都几多，除咗有梦王流心蛋外，仲有青瓜丝，粟米，车喱茄外，响麻酱入面仲加咗吞拿鱼，食落清爽又开胃👍烤猪颈肉相当出色，外面香口得黎入面充满咗肉汁，劲正🤤🤤
紫菜三宝汤$44
除咗紫菜外，仲有鱼片头，墨鱼丸同牛丸，紫菜爽口汤都十分清甜好饮👍
小食双拼$30
叫咗炸花枝丸同墨鱼饼，食落十分弹牙，点埋泰式酸辣酱，绝配。
食咗啲热气野，呢度仲有每日新鲜自家制凉茶可以叫，拣咗支清心火($22)，微甜得黎又顺口，好好饮😚
因为主打街坊生意，所以价钱相宜，但服务同食物质素都好好，选择配搭又多，下次一定会再黎试埋其他野食🤣👍
张贴
