大紅袍火鍋料理 (已結業)

今日同女朋友行街，行到咁上下，肚仔差唔多饿喇，就谂住是但揾一间打边炉，就求其入咗呢间嘢。入到去嗌嘢食，职员唔知系未瞓醒定系魂魄唔齐，嗌咗几声都冇反应，举手举到只手都攰都冇人见到，于是我放弃，我等到有职员行近我附近我先再挥手。到嘢食方面啦，材料几新鲜嘅，但价钱有啲略贵。可能挥手挥到有啲攰，已经影响晒心情食物，求其嗌左几个火锅嘢食，就急急脚走。食嘅时候见到其他台嘅客人都系要等好耐，我觉得呢间餐厅虽然好多客人，但系可能要请多啲人手先可以令个速度快啲。