影片
更多
2020-06-11
7238 浏览
其实，上次老婆嘅生日饭都常带佢嚟试，不过，种种原因就打消咗。今回就因为要落去荔枝角攞手机，所以，就顺道会一会呢间「 研究所」，研究研究一下佢哋嘅素食喺点。因为星期六都唔喺返工日，谂住嚟食个晏，但估唔到都比预期多人，不过，咪睇门口企咗好多人，佢哋唔喺等位，只喺望紧有咩拣，因为呢度有少少快餐营运模式，晌出面收银落单、俾钱，之后等攞嘢食。入到餐厅里面，地方都几大吓，唔算有咩装修，光管、吊扇、铁窗、怀旧摆设……等等，带有一种怀旧风；不过，相信都喺因为由厂厦改建，保留番原有设定而已。亦因为窗口上摆放咗好多书籍、挂咗一张验眼嘅E字牌、加上餐厅尾嘅大黑板，有人会觉得喺带学院风，话晒佢都喺「研究所」嘛。然而，枱櫈嘅风格，就俾我嘅感觉喺食堂风，就当嚟咗学校嘅饭堂食餐饭。而防疫措施方面，餐厅都有做番足基本嘢。服务方面，由于呢度都喺自助形式，由落单、取餐、收拾都喺客人自己搞掂，所以，都无咩服务可言。而一入门口，量完体温，俾个餐牌你兼讲两句就喺咁多，快到基本上唔喺好知佢讲乜，只好埋位再研究。但佢哋嘅态度都OK嘅，再有问题问，佢哋都乐意答你。午餐嘅选项都非常之多，全部都定价$75，包一款主菜，餐汤同埋沙律就任取
入到餐厅里面，地方都几大吓，唔算有咩装修，光管、吊扇、铁窗、怀旧摆设……等等，带有一种怀旧风；不过，相信都喺因为由厂厦改建，保留番原有设定而已。
亦因为窗口上摆放咗好多书籍、挂咗一张验眼嘅E字牌、加上餐厅尾嘅大黑板，有人会觉得喺带学院风，话晒佢都喺「研究所」嘛。然而，枱櫈嘅风格，就俾我嘅感觉喺食堂风，就当嚟咗学校嘅饭堂食餐饭。而防疫措施方面，餐厅都有做番足基本嘢。
服务方面，由于呢度都喺自助形式，由落单、取餐、收拾都喺客人自己搞掂，所以，都无咩服务可言。而一入门口，量完体温，俾个餐牌你兼讲两句就喺咁多，快到基本上唔喺好知佢讲乜，只好埋位再研究。但佢哋嘅态度都OK嘅，再有问题问，佢哋都乐意答你。午餐嘅选项都非常之多，全部都定价$75，包一款主菜，餐汤同埋沙律就任取任食，平日会包基本饮品，但周末需额外加钱。
落好单，俾部「咇咇机」过你，等佢响，主菜就有拎，当然喺出去自取。
而餐具、拎前菜嘅碟都放晌枱上，欣赏佢哋啲餐具放晌有盖嘅胶盒内，不过，啲碟就咁放晌枱，无遮无掩，遇着有咩隐形患者晌度高谈阔论，咁耐以嚟无搞出啲群组爆发都算喺好彩。所以，想安心啲，就只好自行消毒清洁吓。
此外，晌出面近取餐柜枱，就仲放咗好多调味料，中西式都有。
餐汤上文都提及过餐汤同埋沙律喺任食，我见以前有啲食评话有埋糖水，但依家就无喇。餐汤放埋晌一个唔显眼嘅角落位，有啲客都无留意到。
而是日餐汤喺龙利叶枇杷叶南北杏煲雪梨，虽然喺素汤咋，味道唔会「淡茂茂」，味道几清润吓添。
沙律吧当然唔可以跟去自助餐嘅比啦，不过，都有10款选择，但喺，补充劲慢，几次出去睇，好多都喺吉盆，某几样手功嘢就梗喺唔见影，嚟嚟去去都喺烚甘笋、车厘茄、沙律菜、罐头货红腰豆……等等，吸引力好一般。
蒸马蹄肉饼饭配甜酸斋 $75老婆极少会晌出面食蒸肉饼，因为，绝大多数点都会捞啲肥猪肉，就算我哋本身都好少整，所以，当发现餐牌中有蒸肉饼就立时好想试试。卖相好似饮茶啲盅头饭咗，份量较合女生，大食啲嘅可能会唔太够食。
肉饼中嘅「猪肉」喺用咗「新猪肉」，呢种「新猪肉」晌Green Common都食过，所以，又唔会太陌生。实际上，啲马蹄蒸肉饼口感极像真，唔讲喺素嘅，都几以为食紧猪肉，加上马蹄令肉饼增加咗口感，整体感觉几唔错。
唔知喺咪连店主都觉得个「盅头饭」份量少，仲配咁咗份酸斋，感觉就唔喺好搭配，但独立嚟讲，啲甜酸斋几好，因为唔喺平常斋铺食𠮶啲「染色」货，而喺豆卜，再推个甜酸汁落去，感觉较自然。
椰香马来咖喱羊腩配麦香抓饼跟饭 $75有睇小弟嘅食评都知，小弟都几好羊，加上喺「素羊腩」，就更加要试吓啦。成份咖喱羊腩做得有办有眼，兼且份量十足，又抓饼，又白饭，实食到你饱晒呀！
椰香马来咖喱羊腩配麦香抓饼跟饭
$75
39 浏览
1 赞好
0 留言
抓饼粗糙咬落极具烟韧感，甚富麦香，再用嚟沾咖喱食就更一流。我宁愿饭就唔要，俾多一、两抓饼过我仲好。
柚子红菜头汁 +$15上文都讲过，周末嘅午餐唔包饮品，而餐厅都有提供清水，餐汤又任饮，但见餐牌中有款健康特饮，所以，都唔介意额外加钱试试。红菜头嘅味道本身唔重，所以，入口以柚子嘅香味为主，味道天然，口感清爽。
除咗取餐自助，食完嘅餐具、托盘等都喺自助处理，麻烦食客收搭好拎到去餐厅尾嘅收集处。
素食一向都唔喺平，但75蚊，无加一，任食沙律、任饮餐汤，加上菜式都喺健康嘢，呢个价绝对喺划算，喺想食得健康朋友嘅「素」求。
张贴
