影片
更多
2020-03-20
625 浏览
距离上次帮衬呢间餐厅，已有差唔多有一年。突然心血来潮，收工后再去食海胆。正值非常时期，个个因为卫生问题唔敢出街食饭，所以晚饭时间餐厅入面都系得两枱客。一打开个餐牌，见到以前好食嘅菜式已经完全唔同哂，得返个‘极上海胆杯’，当时已经怀疑间嘢系咪转咗手。咁好啦，就叫咗个‘极上海胆杯’，海胆鱼子饭，再加十二件寿司，心谂质素都唔会差好远。点完餐等嘢食期间，另一枱客话个厕所塞咗，个楼面（操大陆口音阿姐）叫咗其中一个寿司师傅（可能系其中一个partner)入去厕所并且成功通返个厕所，冲咗几次厕所都冇事，另一枱客当然好开心咁有得去厕所啦。但系冲厕𠮶时，佢既冇冚埋个厕板，冲完又冇洗手，之后就出返去整嘢食。当然我相信好多做餐厅做厨房嘅都系咁，不过你都唔好畀我见到，特别系而家个个因为武汉肺炎而人心惶惶。咁之后碟海胆鱼子饭嚟咗，味道不过不失，但明显地食材质素比以往差咗好多。呢个时候我见到个楼面阿姐执紧隔离𠮶枱，五只手指插哂落去人哋食过嘅杯同碟（大家食过茶餐厅就明），入厨房摆低之后即刻捧住杯寿司出嚟畀我，只手指仲要掂到旧寿司。大佬呀，你戴返个胶手套，又或者开个水喉冲吓只手我都算，你仲要畀我见到，你想我点食呀？已
一打开个餐牌，见到以前好食嘅菜式已经完全唔同哂，得返个‘极上海胆杯’，当时已经怀疑间嘢系咪转咗手。咁好啦，就叫咗个‘极上海胆杯’，海胆鱼子饭，再加十二件寿司，心谂质素都唔会差好远。
点完餐等嘢食期间，另一枱客话个厕所塞咗，个楼面（操大陆口音阿姐）叫咗其中一个寿司师傅（可能系其中一个partner)入去厕所并且成功通返个厕所，冲咗几次厕所都冇事，另一枱客当然好开心咁有得去厕所啦。但系冲厕𠮶时，佢既冇冚埋个厕板，冲完又冇洗手，之后就出返去整嘢食。当然我相信好多做餐厅做厨房嘅都系咁，不过你都唔好畀我见到，特别系而家个个因为武汉肺炎而人心惶惶。
咁之后碟海胆鱼子饭嚟咗，味道不过不失，但明显地食材质素比以往差咗好多。呢个时候我见到个楼面阿姐执紧隔离𠮶枱，五只手指插哂落去人哋食过嘅杯同碟（大家食过茶餐厅就明），入厨房摆低之后即刻捧住杯寿司出嚟畀我，只手指仲要掂到旧寿司。大佬呀，你戴返个胶手套，又或者开个水喉冲吓只手我都算，你仲要畀我见到，你想我点食呀？已经一肚气，碟寿司嘅味道仲要非常一般，质素同争鲜外卖寿司差唔多，但讲紧七百蚊per head，呢个时候我正式宣布佢死亡，以后唔会帮衬佢哋，完。
张贴