Oliva (已結業)

以往试过在Oliva 食set dinner, 其中红酒牛尾就很不错。上两个星期再食set dinner, 叫咗个红酒羊膝，一放低个碟就发现碟嘢根本就唔热，叫个类似部长嘅人攞去加热，就要等到颈都长，佢哋根本就唔记得咗。一食简直完全失望，个羊膝完全冇味，好似烚熟个个羊膝放d 汁响面咁。另外叫咗个bread budding, 好明显系叮热不在话下，我完全未食过咁嘅蛋糕状但叫bread budding 嘅嘢，感觉完全被骗。餐饮个热奶茶仲衰，个waiter 放低前都犹豫咗一阵，因为杯茶嘅色比咖啡仲深，饮落同苦茶差唔多，隔离枱个auntie 叫咗热柠茶，佢同我哋一齐苦笑。其实我哋可以叫佢换嘅，但我哋实在冇信心再试。唉！好怀念以前嘅Oliva 呀！顺带一提，唔知d 食客系唔系觉得自己响茶餐厅咁，嘈到完全唔理其他人嘅感受...