金滿庭京川滬菜館 (時代廣場) (已結業)

食物质素一向都已经一般，服务只有经理级的人叫做有礼貌啲。侍应喺上菜嘅时候好似唔识上菜咁，一味喺度揾个位塞咗𩠌菜上枱就算，又要食客自己 帮佢将啲碟搬嚟搬去都无所谓了，但侍应见我地帮搬碟搬到佢有个位摆啲𩠌上枱，佢就转身走咗唔理我地…可能只系个别侍应的服务啦，佢服务我哋𠮶下好似成日游紧魂咁。食物方面，菜式送到上嚟都仲系叫做温热，味道一般就唔再提了，但值得一提系佢个松子黄鱼。咁松子比较贵落得少我都理解，但系我又真系估佢唔到会落埋三色豆落去，松子黄鱼睇起上嚟个色水系好似好咗，但系成个感觉就流咗，咁佢都有落啲尾指指甲咁上下大细的虾仁嘅。坐位方面唔讨论了，因为今晚坐得近大门口，嘈少少系正常嘅(个知客)，座位间距都比较宽阔所以都唔系好听到其他食客对话嘅。整体嚟讲都系叫做好一般，以佢嘅价钱嚟讲。以一般茶楼嚟讲佢嘅服务同食物质素都叫合格但以佢嘅价钱同格调来讲就真系麻麻地。不过就真系大不如前了比起佢仲系喺10楼开业无几耐嘅时候。以前啲菜式都唔错架，但而家好多都无咗了。