8度餐廳

三年前同家人一齐去，当时热食、冷盘、甜品等等，各款食物品质方面都令人相当满意。今次再去除咗餐厅环境同个招牌keep到一样之外， 服务与品质都面目全非，大不如前！今次系网上提早预订，被安排坐在一个角落位置，系一张四人枱，而窄到如果要有人行出嚟，另一个人系必须起身让位𠮶一种。 先到场嘅老人家已为此表达不满，但比店员‘’大‘’返转头，话一早预订就系安排呢个位置，仲话‘’方便‘’老人家，实情场内有其他丢空4人枱，到离场时都冇客入座。热食食物款式，如果要形容，系三𩠌饭店可以揾到嘅选择同味道，大家可以想像一下；冷盘有无味螺、壳大肉细＆霉嘅长脚蟹；甜品方面最强嘅芒果拿破芲都退步了。由于同家人饭聚，今次冇放肆地影好多张相，纯粹作此纪录。 食完饭网上见到此餐厅推广告，讲紧做大力减价优惠， 如果对食物品质系有一定要求，奉劝唔好错误选择。